梁健怡 Jasmine 23歲 理大時裝及紡織技術 Yr.3
自小係電視迷嘅 Jasmine，睇足大台劇集唔在講，甚至連亞視都撈埋，好似 N年前套《萬家燈火》，佢竟然集集都有追，一個字：佩服！
U花 U草
理大 Yama Girl 煲劇練廣東話
港人愈來愈注重做運動，而且個個副裝備一流，絕對唔打得都睇得。閒時最愛行山，讀緊理大時裝及紡織技術 Yr.3嘅梁健怡(Jasmine)行山都着到靚一靚，約埋三五知己喺郊外影日系靚相最開心，當然仲有唔少靚靚 selfie作品添
大東山、摩星嶺都係 Jasmine常去山頭，咪以為佢齋為貪靚影相行山，就會好似港女咁嫌熱兼有蚊咬，攝影師叫行上行落入草叢，佢都冇埋怨過半句仲超 enjoy！咁享受行山接近大自然，只因 Jasmine 14歲先從內地來港定居讀書，細細個已經喺鄉下(江門)通山走：「我住喺鎮入面，山呀樹呀就多，邊似香港周圍都密麻麻咁多高樓大廈，所以嚟到香港放假就想約埋啲朋友去行山，咁我超愛扮靚，影靚相好正常啫，同埋其實都想感受吓大自然，一舉兩得 fit晒！」
除咗環境， Jasmine覺得讀書係中港兩地最唔同嘅地方，初初都有面對一般內地學生來港的問題：「明明我喺內地讀書成績考頭幾名，最慘落到嚟編咗我去 Band 3學校讀中二，只係英文方面追得有啲辛苦，可能自己英文得小學程度，其他科就完全冇難度，因為內地讀書辛苦好多，一日由朝早 8點到夜晚 9點，上成 10幾堂，喺香港 3點幾 4點已經放學，輕鬆得多。」來港 9年，佢都話𠵱家自己嘅英文水平都淨係夠應付功課同 presentation。
不過廣東話對 Jasmine卻一啲難度都冇，除咗係因為江門人都會講吓帶有鄉音嘅廣東話外，原來佢細個已經係超級電視迷：「細個已經睇大台劇集，就算𠵱家由《愛．回家》直落《大時代》，我都會睇晒！就係因為我狂煲大台，我啲廣東話先咁好咋！」
Jasmine喺大陸小學三年級先學 26個英文字母，但喺香港讀幼稚園已經開始學好多 vocab（詞彙），難怪來港要苦學英文。
|
鍾意就快D Share啦！
|
|
|
