網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月10日 星期三

那些年 入行冧松岡李那 初戀男友撐 G.E.M.:佢一向咁直 [FACE - 420] 松岡,鄧紫棋,G.E.M.,G.E.M,松岡李那,Linah,MF,



週日( 7日) Byron接受訪問時,幫舊愛 G.E.M.幫到出口:「佢其實係一個好真,個人好好,佢有咩都會放喺面上。」

真面目

那些年 入行冧松岡李那 初戀男友撐 G.E.M.:佢一向咁直

林德信( Alex)與日模松岡李那( Linah)的緋聞傳足 2年,雖然多次斷正密會,但二人一直未有承認戀情。上週五( 5日)松岡卻與另一男子現身尖沙咀行超市、食雪榚,二人全程有講有笑,似足松岡兵仔!

原來松岡身邊的,正是當年與宇宙 G.M.E.一齊扮金魚嘴的初戀男友鄺晨風( Byron)。現年 25歲的 Byron今年正式加入娛樂圈,專注做幕後工作,更將為松岡執導新 MV。分手 7年, Byron話與 G.E.M.仍有聯絡,仲話國際 G.E.M.其實冇乜點變喎!

上週五( 5日),剛在泰國返港的松岡李那( Linah)與 G.E.M.初戀情人鄺晨風( Byron)在尖沙咀 The One溫馨行超市, Byron更陪實 Linah揀衫又買雪糕,仲充當私人攝影師,明眼人一睇就知係女神與兵仔關係。

06年 Byron參加歌唱比賽而認識 G.E.M., Byron指當年年少無知,所以會做出扮金魚嘴嘅奇怪動作,今時今日絕對唔會。網上圖片

網上圖片

G.E.M.和 Byron拍拖嘅年代興影貼紙相, G.E.M.出道時就有大量合照流出過。網上圖片

陪實松岡做兵仔

陪行街

上週五( 5日) Byron和松岡李那喺尖沙咀 The One行超市,當日所見松岡消費全部由 Byron畀晒。

陪影相

買完雪糕俾松岡,仲要幫佢揸機影埋相。

陪合照

松岡見到公仔即發晒狂,估唔到 Byron都企埋去呃影合照。

「佢冇長大過!」

G.E.M.、千嬅同埋丁子高都受重金邀請參加咗內地真人騷《極速前進 2》。網上圖片

週日( 7日) Byron接受本刊訪問時口窒窒說:「我諗係少少誤會啫!因為我幫佢拍 MV,嗰日係幫佢揀番啲嘢啫!本身嘅相處都係咁樣,因為導演同演員之間,我哋溝通嘅時候會比較 close啲!」

現年 25歲的 Byron,在樹仁大學新聞系畢業後,今年決定加入娛樂圈,之前亦已經拍過多條微電影。

對於 G.E.M.去年因臭寸得罪內地傳媒,有傳一度被國內封殺。身為 G.E.M. 15歲時的初戀情人, Byron為舊愛平反。「佢面對傳媒可能係有啲分別,佢個人其實係好天真,佢一向咁直咁真,無咩特別唔好。我諗佢最大分別就係佢無長大過,依然好真,同埋講嘢好大聲。」

08年 G.E.M.創作的〈 Where Did You Go〉,曾經講過係作俾 Byron,「歌嚟啫我覺得。年少相處嘅時候,我成日都會唔見咗人嘅,去咗玩囉!少不更事就總會有呢啲嘢發生。」

G.E.M.與 Byron拍拖期間,經常更新當年時興的 xanga,內容有講到二人在梅窩度過「新婚的三日兩夜」,結果被高登瓊姐話 G.E.M.豬已失,搞到當年 Byron急急在網上澄清。如今 Byron就話:「我會覺得呢件事唔好,因為假㗎!咁我咪去平反囉,呢個都係做番一個人、一個朋友應該做嘅嘢囉!」

仲掛住初戀喎!

鄺晨風( Byron) 12年畢業於樹仁大學新聞系,早喺畢業前 Byron已經拍過唔少微電影,網上可以搵到由佢一手包辦嘅畢業作品《 30days》,當中 Byron同着住類似真光校服嘅女主角拍拖( G.E.M.當年就係讀真光書院)。

而另一套他執導的微電影《沒那麼簡單》,劇中男主角因被前女友怪責當年突然失蹤而導致分手,似十足當年 G.E.M.首〈 Where Did You Go〉一樣咁慘。唔怪得 Byron都話:「係有自己嘅感覺喺裡面。」

網上圖片

G.E.M.曾經喺真光書院讀書,校服要着旗袍(左圖),咁啱 Byron喺 12年拍嘅微電影中,戲中女朋友又係着旗袍嘅學生妹喎! YouTube畫面

揀仔要才華

G.E.M.出道 8年,緋聞唔算多,最記得嘅一定係同林宥嘉嘅一段情。不過睇番 G.E.M.咁多年嘅男友,靚唔靚仔後話,但個個都係才華行先喎!

城大 Eason

08年 12月, G.E.M.被影到同好唱得、有「嶺南陳奕迅」之稱嘅 Aaron Wong出雙入對,更有指 G.E.M.掛住拍拖罷工添!

台灣才子

10年 12月,台灣歌手林宥嘉來港與 G.E.M.秘密約會被撞破戀情, 13年二人索性在台灣的金曲獎星光大道拖手公開戀情,可惜一年後就宣告玩完。

土產唱作

網上圖片

今年初, G.E.M.與馮允謙嘅合照放上網即傳出二人撻着消息,雖然二人至今都指對方為好朋友,不過睇番 G.E.M.過往嘅口味,識作曲作詞嘅馮允謙啱晒佢喎!

鍾意就快D Share啦!