陳展鵬名店混吉 [忽然1周 - 1040] 陳展,MW,

陳展鵬將衫褲鞋襪睇勻晒，結果係空手出番嚟。捱過亞視，果然有定力。

媽咪姐

陳展鵬名店混吉

今年初拍完新劇《張保仔》嘅煎 pang（陳展鵬），因為《巨輪 2》又未開工，趁呢個空檔就最好登台𢱑銀！過幾日佢要飛去三藩市開騷，咁多 out job，梗係要爭取時間 shopping置裝啦。

其他影片：>>陳展鵬大支嘢亂泊車

早幾日，媽咪姐行經銅鑼灣，咁啱見到煎 pang揸車去百德新街，雞咁腳走入去 Vivienne Westwood濕平。見佢拎住條棗紅色西褲愛不釋手，之後又行咗去睇恤衫同鞋，轉個頭又行番去睇條棗紅色西褲。雖然煎 pang近幾年搵唔少，不過佢 shopping都好忍得手，最後乜都冇買閃人。男人錢果然冇女人錢咁易賺！

陳展鵬睇中嘅呢條褲已經由原價$4,000減到$2,000，但佢左算右計下，都係冇買。

陳展鵬泊車，完全唔理雙黃線，話停就停，之後頭也不回直入店舖。好土豪 feel呀！

陳展鵬早排先同馬國明去咗重慶幫大台做宣傳，馬國明仲戮力到出晒汗。

鍾意就快D Share啦！

下一篇 》