全城熱爆的娛樂八封新聞 & 時事趣聞 & 生活 + 趣聞
不過大仔 Noah就真係似足女仔，唔知仲以為美瑾生咗個女。
同樣生咗兩個小朋友但 fit到一滴脂肪都冇嘅美瑾霍絲，近日忙於拍攝《忍者龜 2》，扮起學生妹，哎喲，股少女味仲喺度噃！
不過早幾日，佢就選擇以人母身份密實出巡。大家睇下佢位小朋友吖，嘴翹翹、瓜子口面，加埋一頭啡色攣髮，長大一定係一位美人，呀唔係，應該係美男子至啱，乜我冇講俾你哋聽咩？美瑾生嘅係兩位公子。男又好女又好，遺傳到媽媽嘅美貌，點都係好事！
美瑾同奀星老公先後生咗兩個仔。細仔 Bodhi較少曝光（圖），驟眼睇似男仔多啲。
美瑾近日拍緊《忍者龜 2》，早前着上露臍學生妹戲服，又 sexy又有少女味。
