博出位
意遊未盡
夏日炎炎正好眠，錯喇！咁好天氣梗係出埠 hea吓你睇李克勤成家人同 Eric Kwok夫婦都分別去咗意大利嘆世界就知只係一家坐郵輪，一 pair搭飛機，人妻葉佩雯仲罕有露出事業線！放低繁忙嘅都市壓力，一個字——正！
葉佩雯 夫婦鬥露肉
平日好鍾意滑雪嘅郭偉亮，今次就一反傳統，帶埋老婆去咗意大利小島住白色小屋，曬太陽 hea吓！不過最有睇頭唔係個環境，而係 Grace游水玩 selfies，事業線現形；而 Eric都唔弱，着住泳褲喺露台曬，好疏肝呀！
李克勤 郵輪嘆香檳
9月就要同容祖兒開演唱會嘅克勤，搏殺前先嘆吓世界先。佢舉家坐郵輪歐遊，對住意大利拿坡里個大海，吹吹風，嘆香檳，爽呀！
李亞男 拍拖講耶穌
大病初癒嘅李亞男，呢幾日就靜靜雞同老公仔祖藍飛咗去西雅圖出席佈道會講見證。咦！唔知有冇順便造人仔呢？
鄧梓峰 挪威玩海盜船
見識廣博嘅十郎，出埠嘅地點真係唔同啲，佢去挪威奧斯陸，睇 Viking Museum真正嘅海盜船，肯定又學到好多嘢
|
鍾意就快D Share啦！
|
|
|
