掃呢頁CODE去手機

2015年7月3日 星期五

樂易玲生日 大星失晒蹤 [忽然1周 - 1040] 樂易玲,MW,



無大星,唔緊要!仲有導演劉偉強、舊將錢國偉喺度,錫番。

媽咪姐

樂易玲生日 大星失晒蹤

7• 1係不少人年年約定去遊行嘅大日子!咁啱亦係大台高層樂易玲嘅生日,而佢年年都會喺生日前一晚開 party搞大佢!嘩,以前佢個生日 P嘅賓客陣容,分分鐘勁過啲乜乜頒獎禮。只係睇吓啲明星小生花旦着乜衫?帶乜嘢禮物?已經好有娛樂性!

之不過,周二晚( 30日)樂小姐嘅 56歲生日 P,真係今非昔比囉。大台嘅一線花旦全部無到!無他嘅,最錫嘅胡杏兒續約傾唔掂;最乖嘅鍾嘉欣又嬲無視后攞;連去足咁多年嘅鐵腳佘詩曼都要避靜(為乜?等陣揭去 P.8)。好嘞,咁啲小生猛男去晒邊先?以前嘅乖仔林峯,依家俾千語 BB綁實咗;吳卓羲呢?大陸大把世界啦;馬明 BB又唔鍾意應酬。所以真係要認住馬德鐘嘞!年年撐場無放鬆㗎。

吖,數嚟數去,今夜星光真係有啲暗淡,難怪黃宗澤 Bosco要戴到成手飾物,閃爆現身,仲霸氣到將架車停正門口,阻住條路,威嘞,威嘞!

輝煌那些年

樂易玲 09年嘅生日 P,雲集大台所有紅星,連影壇大哥黃秋生都俾面出席,絕對係佢「生日史」上嘅高峰。

得番 Bosco

Bosco啱啱喺大陸拍完嘢,即刻趕返香港賀樂易玲生日。佢坐住由司機揸嘅新 Benz到場,富貴逼人。

嘩, Bosco成隻手都閃嘅,最勁係隻好燦眼嘅鑽錶。佢仲話啱啱買咗份小禮物俾樂小姐,真乖。但佢架車阻住咗門口,俾舊愛胡杏兒嘅好姊妹胡定欣寸:「乜咁巴閉嘅咩?」

據知樂小姐張生日 P邀請卡寫明唔使送禮物,不過阿叻都搵人拖咗兩箱酒嚟賀一賀佢。真識做!

女二補上

一線花旦冇到,得長期位處「女二」嘅胡定欣撐場。咁乖,唔知有冇獎呢?

被指受殼王力捧嘅高海寧,絕對無恃寵生驕。佢着靚靚,跑住去賀樂小姐㗎!好襟撈。

長情馬神

一向係樂小姐黨嘅馬德鐘,兩手空空到賀。唏,馬神撐足咁多年,有心就夠啦。

鍾意就快D Share啦!