葉翠翠冇收禮金留下月歐遊 [忽然1周 - 1042] 翠翠,葉翠翠,MW,

為幫老公慳錢，翠翠全日戴住嘅珠寶都係搵贊助，又拎私伙后冠做頭飾。靚得嚟又慳一筆！

媽咪姐

葉翠翠冇收禮金留下月歐遊

上周六（ 11日）葉翠翠成為幸福人妻，媽咪姐覺得最好運都係佢老公周曉東（ Raymond）！事關娶到位同佢齋講心嘅老婆。媽咪姐收到風，翠翠嫁俾 Raymond唔只一毫子禮金冇收過，仲將蜜月推遲到 8月中後，暫時留港消費。原來係 Raymond前妻玩嘢，排快期喺周四（ 16日）上庭，要求加女兒生活費。

好彩翠翠爸爸已退休，阿女又有賽西湖物業揸手，所以唔收禮金都冇問題。而翠翠豪擺四季，但除咗 33圍酒席外，婚禮雜項全部都有贊助，幾乎都冇使過咩錢。連 3月影婚紗相，原本諗過去歐洲，最後都係揀咗去山頂公園。佢同媽咪姐講，留番 honey moon先「放血」：「我哋未請假去 honey moon，應該 8月中後先去，會去希臘同其他歐洲國家，一次過玩十幾日！」識得去經濟差嘅希臘，果然係慳家賢妻呀！

酒席要自己俾，翠翠亦豪派過萬利是俾傳媒同工作人員。

到咗夜晚擺酒，佢哋上台多謝賓客，講完又咀。

咀唔停

翠翠斟完茶同老公等影相，兩個變咗接吻魚，無端端咀完又咀。

鍾意就快D Share啦！

下一篇 》