全城熱爆的娛樂八封新聞 & 時事趣聞 & 生活 + 趣聞
童星真係睇極唔厭！好似英中混血嘅西蒙子（ Jozef），因為內地真人騷節目《一年級》而走紅。擁有金髮大眼小酒窩嘅佢仲俾成龍睇中，拍咗電影《天將雄師》。最近西蒙子趁住暑假，同另一位童星王詩齡（ Angela）嚟咗香港同吳鎮宇、楊千嬅拍戲。佢因為夠乖，勁得千嬅鍾意。為咗配合劇情，天生金髮嘅西蒙子仲染咗一頭黑髮，完全睇唔出佢係金髮混血兒，戲路好廣喎！
西蒙子同王詩齡（ Angela，右二），嚟咗香港同吳鎮宇、楊千嬅拍戲，唔使埋位嗰陣，佢哋同兩個大人都好鬼 friend。
西蒙子喺成龍主演嘅《天將雄師》扮演古羅馬小王子，連海報都有佢大頭，認真厲害!
西蒙子最怕學寫中文字同背唐詩，睇吓佢痛苦嘅表情，又幾搞笑！
咪睇西蒙子人仔細細，運動細胞都唔錯㗎， sit up完全無難度呀！
