藝人王喜，在加入娛樂圈前，曾是皇家香港警察，並且先後守過機場及當PTU（機動部隊）。去年發生7名警員涉毆曾健超一事，王喜即於fb發表文章，表明一個警員做錯，就等於整個警隊做錯。王喜還憶述，當年在學堂受訓期間，沙展喝令:「喺街外人眼中，你哋著住制服，個個一X樣。識X你係阿茂定阿壽？佢哋睇到有個警察做錯，就會當全部警察都一樣會做錯，呢啲就係一個害全家，明唔明點解要全班受罰吖，X你老X！」新聞連結: http://bit.ly/ZvSgJv )這番話，王喜一直牢牢記住。
「你哋冇做錯到！」禿鷹如是說。警民關係，越走越遠。王喜曾有過的信仰，似是亦已然背向他，越走越遠。
昨晚，王喜再有奇遇(文章連結: http://on.fb.me/1LbyfOl )。晚上11時半左右，王喜由塘尾道旺角道交界，沿塘尾道步行向亞皆老街方向，見到兩名軍裝警。奇遇喺邊？當時兩名警員企喺深圳街路牌對出一架單車旁，其中一人將警帽勾喺腰帶，低頭，雙手捧住一樣嘢。王喜謂，嗰陣以為該名軍裝警員填寫記事簿。另一名警員呢？就企喺佢身邊，王喜以為佢係為同僚on guard。
點知，當王喜行近二人時，發現，該名疑似填寫記事簿嘅軍裝警，捧住嘅，係唔係記事簿，而係大mon手機，仲插住尿袋。手機畫面，係打緊機。王喜寫道:「沒錯，上述第一名男子在路邊玩手機遊戲，而上述第二名男子就無所事事陪伴他。」
軍裝警員行咇期間，有人「疑似」打機，作為良好市民王喜，應該點做？他寫道:「本人有想過回身將他們身上的編號和行為，用手機記錄下來，不過，由於對方是當街玩手機的級數，我害怕身體可能會受到傷害，更害怕會被隨意檢控，所以，我愈走愈遠，正如，我曾信仰的也早已背向我，愈走愈遠了。」
最後，王喜說:「在此，本人向上述兩名華裔男子作出警誡：你哋係事必要維護法紀，所以，無論你哋為乜穿起呢套戲服，都請你哋唔好咁過分。明唔明白？有無嘢要修改或補充？」這個貼文，還附上佩戴了皇家香港警察警徽的警帽。
還有，王喜這篇文，洋洋千字，但別出心裁，字字小心，因為佢係用咗警察為市民落口供的筆法，遣詞用字，力求清晰明確準確，客觀陳述事實。雖然離開警隊多年，但王喜這份「口供」，非常清晰地呈現了當時情景，文筆極佳。反觀，現在時有警方被質疑「唔識字」或「語焉不通」的情況，究竟，這些年，警隊出現了甚麼問題？
|
鍾意就快D Share啦！
|
|
|