學識小鳥依人扮溫柔，胡定欣嚟緊要搣甩嘅，就係就嚟34歲人必然會有嘅「中女的恐懼」。
胡定欣唔止脾氣大，佔有慾亦都好強。喺同筍盤馬明拍拖期間，曾經逼對方同自己搬出嚟住，仲對男友媽咪態度惡劣，孝順仔馬明當然護住阿媽，狠飛女友；而同沈柏淳一齊嗰時，胡定欣仲直情搬入男方渣甸山豪宅，做貼身膏藥兼且乘機逼婚。
呢招原來唔work， 學精嘅胡定欣今次冇要求同居，寧願車來車往，改為各自人肉速遞到對方屋企過夜溫馨。
早兩日Terry做完《今晚睇李》，揸車返自己屋企放低樂器後，隨即飛車去胡定欣位於將軍澳寓所；男方喺女友屋企過夜11個鐘後，第朝早11點幾就離開。
