掃呢頁CODE去手機

2015年7月29日 星期三

34分𡃁模狀元  Dount Elise:為自己出番啖氣 [FACE - 427 - 大專校園] 𡃁模,陶嘉莹,Dount Elise,MF,



陶嘉莹( Elise) 陳樹渠紀念中學 中六

咪以為𡃁模得個樣, Elise有樣有身材之餘,仲考獲 5級鋼琴,「除咗鋼琴,我都鍾意游水,之前讀書太大壓力,成面都係壓力瘡,呢排放暑假要放鬆吓,不過外貌都係其次,最緊要有內涵有修養。」

U花 U草

34分𡃁模狀元  Dount Elise:為自己出番啖氣

書展、動漫,大班𡃁模噴血寫真兼真人表演任睇,班龍友影到流鼻血都未識停手,𡃁模等於冇出息似乎已是常識。

不過現年 20歲的性感女子組合 Donut成員陶嘉莹( Elise),竟然可以在 DSE考到 34分超理想,夠分入港大,希望入讀港大法律系成為律師的 Elise就話:「好多𡃁模都靠露肉搏出位換取知名度,但今次考到 34分反而有更多人留意我,仲多咗人支持我,總算為自己出番啖氣!」

16歲出第一本寫真,已出了四本寫真的 Elise,踏了半隻腳入娛樂圈。為了考好成績,過去兩年 Elise日日書不離手,她說:「我知道今年係最後一次機會,所以我日日朝 8晚 11不停溫書,食飯都係對住本書食,就連發夢都係上堂嘅情景,一係就夢見被伊斯蘭國(IS)追殺,壓力好大,皮膚差咗好多,成臉爆粒粒!」

Elise就讀的學校成績一向普通,今次考獲 34分都令學校喜出望外,「我喺校內考全級第一,其他同學嘅水平係一般,我哋有心讀嗰幾個都會一齊溫書。」《蘋果日報》圖片

擁有 34C、 24、 35身材,有「翻版蔡少芬」之稱的 Elise,是應屆中學文憑試 DSE重考生,去年考到 26分的她,知自己有能力考取更好成績,於是決定重讀一年,結果 Elise報考 6科,獲 1科 5**、 3科 5*及 1科 5級的好成績,成為「𡃁模狀元」。

𡃁模同律師的形象差天共地,但她就毫不擔心會被翻舊帳,「我係鍾意讀書,以前好多人只會留意自己嘅身材,𠵱家成績出咗,人哋會知道我係讀到書,對我會有另一個觀感。經理人都話以後會盡量改變我個形象,無必要都唔會性感。不過影相係我興趣,亦都唔覺得我影過嘅寫真不雅,就算我唔做𡃁模都一樣會以入大學為目標,唔係為咗洗底。」

為準備 DSE, Elise近兩年很少拋頭露面,所以校內同學都不知她是𡃁模,「嚟緊入到大學都應該會專心讀書,課餘時間啱,就會接模特兒工作,但應該唔會住宿舍,想多啲時間陪屋企人。」

16歲加入女子性感組合 Donut的 Elise拍過四本寫真集,「我覺得寫真係一本相集,留住自己成長嘅回憶,不過我嘅底線係三點不露,唔會變!」

鍾意就快D Share啦!