掃呢頁CODE去手機

2015年7月29日 星期三

身體緊要 返港快閃開鋪 卵巢病未斷尾 蔣雅文:要食藥控制 [FACE - 427] 蔣雅文,MF,



落機擺低行李後, Mandy孖住老公即落手落腳幫手執貨,兩公婆默契十足,好多時唔使出聲己經知道對方想點。

真面目

身體緊要 返港快閃開鋪 卵巢病未斷尾 蔣雅文:要食藥控制

高登女神蔣雅文( Mandy)退出娛圈後隻身到台灣打拼,除咗成功開設個人品牌店外,年初仲宣布已下嫁設計師男友朱經雄,點知隨後證實患上多囊卵巢綜合症,嚴重影響生 B大計!

雖然身體響起警號,不過 Mandy冇理咁多繼續為品牌搏殺,早前為新店喺網上發動集資計劃,成功籌集資金後,先喺台北舉行音樂會,緊接就返香港開 Pop-up store回饋網民。

週日 Mandy接受《 FACE》訪問時透露病況,她說:「𠵱家食藥控制!生 B就順其自然」

希望好快有好消息

Mandy隻身到台灣發展 4年,終於捱出頭開設個人品牌店,早前 Mandy在網上發動集資計劃開設台北新店,承諾達標後會分別舉行音樂會同返港開設 Pop-up store回饋投資者,音樂會已順利舉行,有到場的網民當然 like爆!

Mandy網上宣布婚訊後,之後竟然公告患上多囊卵巢綜合症嘅消息,唔少網民都表示擔心其病情。

問到老公求婚詳情, Mandy竟然話:「老公冇特別求婚,因為自己好怕比人囉唆,所以當時話結就結啦,就咁結咗」

網上集資搵銀

原本打算 28日內籌集 50萬新台幣,點知短短 28個鐘就達標,之後再加設 60萬、 80萬同 100萬新目標,最後超額籌得 140萬新台幣,即約 35萬港元,證明網民好 buy女神㗎!

「媽咪好想有個孫」

Pop-up store本週一( 27日)開幕,星期日剛到埗的 Mandy,櫈仔未坐暖就孖住老公到上環 PMQ落手落腳執頭執尾。

Mandy接受本刊訪問講到病情:「𠵱家都係食藥控制,我覺得呢個係一個心病,壓力太大令到荷爾蒙同免疫力出現混亂,經歷咗咁嚴重嘅後果後,自己都學精咗!(生 B打算?)醫生話我需要兩年時間調整體質,如果陀咗小朋友會好消耗自己健康,所以半年前我哋開始去健身,以前唔會的起心肝做運動,但𠵱家每星期都會做 3-4次 gym!希望 2年之內,身體回復到適合做媽媽嘅狀態。(父母催生 B?)媽咪好想有個孫!不過佢就唔敢畀壓力我,平時出街見到小朋友會借啲意讚佢哋好得意,自己都感覺到佢嘅意思。」

沒有多餘資金去負責新鋪裝修,所以 Mandy就發動集資計劃,籌集資金達標的話仲會作出回饋。網上圖片

回饋網民頭炮, Mandy先在台北小巨蛋星光廳舉行音樂會,當日仲大露背裝束上陣唱〈心亂如麻〉。網上圖片

演唱會當日,因沒有門票發售而無法預計人數, Mandy坦言當日仲緊張到冇食過嘢,不過見到坐無虛席,唔驚網上圖片

為咗見多幾面個寶貝女, Mandy嘅爸爸、媽媽同妹妹半年前已搬到台灣,而蔣爸爸仲在鄭希怡 fb留言透露恨抱孫。網上圖片

網上圖片

吸藥幫助排卵

多囊卵巢綜合症直接影響女性內分泌失調,患者的卵巢會滿佈微小的囊腫,嚴重情況下更會使子宮內壁增生,並增加患上子宮癌、糖尿病、抑鬱症的風險。家庭醫生關嘉美說:「多囊卵巢綜合症會導致經期不準,多體毛同體重增磅,可服用藥物調經幫助排卵,亦可做手術醫治,如果冇服藥排卵就會無機會懷孕。」

Mandy有個索妹妹

女神 Mandy被私有化,至於妹妹蔣雅詩原來都係一名靚女,衣着打扮似足家姐,有索樣亦有歌喉,自彈自唱冇難度,好有潛質出道喎!

Mandy同妹妹 friend過打 band,仲不時放合照上網開心「些牙」。網上圖片

妹妹蔣雅詩唔只有靚樣,仲好唱得,得閒會自拍唱歌片放上網,多才多藝㗎!網上圖片

蔣雅詩在台灣亦有做模特兒工作,同時亦有自己品牌,自己做生招牌最適合不過網上圖片

纖體公司招手

至於問到復出打算, Mandy擰晒頭話:「事隔多年,都仲有咁多人對自己把聲有興趣,覺得係一種福氣,自己會珍惜!如果以後有機會客串朋友音樂會,串場出來表演係可以嘅,但如果係職業嘅話,我就覺得唔適合!」原來曾經有纖體公司搵 Mandy拍廣告,不過馬上給婉拒,這些機會不是屬於我們的……

鍾意就快D Share啦!