雖然肥仔東外形唔吸引，亦自知唔係靚仔，所以可以在大台拍劇，佢話已經好滿足、好開心。
真面目
能屈能伸 《鬼同你 OT》綠葉王密做 肥仔東：凸個頭出嚟先有騷錢
肥人有肥福，你睇阿 Bob都賺到笑就知近日大台的《鬼同你 OT》，除咗女鬼胡定欣同田蕊妮夠晒合拍外，辦公室內的「高矮肥」溫家偉、 C君和肥仔東都好搶戲。當中肥仔東（何遠東）更係近年綠葉王，《巨輪》、《老表》都有戲擔。
因為身形問題，演藝學院出身的肥仔東喺大台受過人身攻擊，遭 PA羞辱：「點解搵個肥仔做㗎？點解佢咁肥㗎？」又試過俾人攝位：「明明企咗個位，咁人哋就攝咗個位囉，又要因為計騷要凸番個頭出嚟！」肥仔東勝在樂觀，咁咪襟撈囉！
曾就讀香港演藝學院，係王祖藍師弟， 08年被大台睇中正式加入拍劇，可惜等到 12年至等到機會。「 3年幾之後，王心慰（《巨輪》監製）就打電話俾我話有套劇啱我。」
大茄都夠生活
當年《衝呀！瘦身兵團》中，肥仔東拍住阮兆祥，期間多得祥仔教路，學識走位睇鏡頭。後來肥仔東開始劇接劇，雖然多演大茄，不過出鏡率高，騷錢都夠他生活。「𠵱家張約好 free，每年只需要拍到 6個騷，咁已經完成我嗰年嘅任務喇！雖然我騷 rate唔係好高，但係我量多，一套劇已經有好多個騷，咁實夠生活」
加入大台 7年，肥仔東與阮兆祥、田蕊妮成為好友，馬國明更是好投契的密友。「我哋咩都有講，佢嘅秘密會話俾我聽，我嘅秘密又會講俾佢聽。」
PA氣都要受
大台人出名勢利眼，加上本身性格冇乜所謂，肥仔東在大台都受過不少辛酸。「明明企咗一個位，咁人哋就攝吓攝吓攝咗個位囉，又要凸番個頭出嚟先有騷計！又試過 PA唔熟我，望到張相以為我着到加大碼，點知到要拍嘅時候件衫唔啱我着，咁就會有啲說話聽吓，『點解你搵個肥仔做呀？點解佢咁肥㗎？』」。
咁受氣法，如果肥仔東出書寫血淚史，可能仲好睇喎！
大隻仔賣雪糕
除咗肥仔東，《鬼》劇仲有另一配角大隻仔溫家偉都好搶鏡。其實溫家偉 08年選港男後於 09年正式加入大台，但一直都係做二打六，最叻係同吳若希傳緋聞，最近在旺角開雪糕店， 28歲仔要開始諗後路
|
鍾意就快D Share啦！
|
|
|
