胡定欣服侍周到兼做柴可夫，原來係準備第二日同金毛新歡去新加坡過二人世界。
胡定欣早排忙住拍《公公出宮》，期間又要留喺開平拍外景，忙到愛苗都唔得閒理，難得拍完劇，胡定欣即時向公司請假，專心工作之餘亦要花時間陪男友，炮製兩人六日五夜sweet爆新加坡遊。
典型港女轉死性？係啊，全靠吳浩康咋！胡定欣同吳浩康拍拖期間，性格強又好勝，脾氣臭到乜事都借啲意開拖，最終被莊思敏突擊成功，增添一次失戀紀錄。
知情人士爆料，胡定欣依家拍拖，唔會似以前咁話晒事，又會扮溫柔，成日主動拖住男友，好就得對方，咁冧冧豬，難怪兩人感情進展神速
