全城熱爆的娛樂八封新聞 & 時事趣聞 & 生活 + 趣聞
月中郭采潔（左二）特別來港出席新戲《巴黎假期》首映，當日仲同古仔貼到實一實。
古天樂通常都係拍好 man嘅戲，又或者係胡鬧嘅賀歲片，認真嘅愛情片，恐怕要數到 10年前嘅《一路有你》喇。
古天樂有份投資，近日上映嘅新戲《巴黎假期》，由佢同郭采潔主演，係一部浪漫愛情片。唔知係咪浪漫得滯太入戲，二人更因此傳出緋聞。前週六（ 18日）《巴》舉行首映禮，之後仲有 after party齊齊玩，但係戲中女主角郭采潔竟然睇完戲就自行返酒店休息，咁唔俾面，係唔想再同古仔傳出緋聞吖？還是養精蓄銳等古仔去完 party再好好相處一下呢？
有指郭采潔同古天樂因為呢部《巴黎假期》而撻着，係咪就係呢一吻就定咗情呢？
點知郭采潔一個屈尾十，竟然自行走先返酒店休息，整晚都冇出過嚟！
其他演員都分別坐車去咗 after party，而郭采潔亦準備出發——返閨呀！
睇完首映，郭采潔（右）同 2位助手一齊去停車場上車。
