郭藹明知慳識儉 [壹週刊 - 1322] 郭藹明,M1,

同你吟一吟

郭藹明知慳識儉

男主外女主內！成功賢內助，以前只需要買餸煮飯持家湊細路，今時今日就唔同講法，要慳家仲要識得幫老公累積財富。圈中成功星太之中，我哋個平民特首夫人發嫂應該雄踞榜首，朱麗倩、關詠荷、郭藹明、汪詩詩亦一定喺十大之內。

為咗另一半，郭藹明有人搵都推，全引退。因為青雲要留喺內地拍陳木勝新片《危城殲霸》，連結婚紀念日，人妻要人肉速遞上杭州慶祝。

老公專心𢱑銀，郭藹明做後援幫青雲投資物業，買屋買鋪，每次買賣，有賺冇蝕！早個禮拜，郭藹明一個人去咗尖沙咀海港城，唔行名店冇買無謂嘢，走入 city'super幫屋企上糧，買咗兩大袋就走。

識同老公搵錢，又知慳識儉，八珍相信劉青雲下世都一定再娶郭藹明。

一滴妝都冇嘅郭藹明目標清晰，唔行名店，去超市買完就走，而是日佢拎出街嘅啡色包包（箭嘴），八珍已經見過百萬次，證明呢位人妻極慳！

見到日本抹茶蛋糕，忍唔住自動送上門。

喺杭州同古仔拍緊戲嘅青雲，片酬已經升到千六萬人仔一部，但青雲嫂依然克制，唔亂 fing。

鍾意就快D Share啦！

下一篇 》