熱爆娛樂: 氹繼女套料　葉翠翠唆擺老公 cut前妻生活費 [壹週刊

2015年7月9日星期四

氹繼女套料　葉翠翠唆擺老公 cut前妻生活費 [壹週刊 - 1322] 翠翠,葉翠翠,M1,

上星期一（六月二十九日），葉翠翠揸住未婚夫架寶馬，去接 Raymond收工，之後再到太古廣場會合家人食飯。

探熱針

氹繼女套料　葉翠翠唆擺老公 cut前妻生活費

星期六（七月十一日）將會在四季酒店擺酒結婚的葉翠翠，拍拖未夠一年，已經急住嫁！男友周曉東（ Raymond）話就話係董事，其實打工仔一個，點都係過氣港姐冠軍的葉翠翠，為求有個夠體面的婚禮，只好四出𢱑贊助充撐場面。

結婚前，葉翠翠更收到「大禮」，有人向傳媒爆料，狂數 Raymond是「世紀賤男」，有錢娶港姐，但卻扣減前妻生活費……原來另有內情，有指葉翠翠曾在未婚夫女兒身上套料，知道前妻有工做又有新男友，於是唆擺 Raymond扣減前妻生活費，甚至威脅前妻，如果再爆料，就會爭番女兒的撫養權。

婚前送大禮

上月中，多間報館同時收到爆料告密信：「富貴娶港姐，削減生活費，棄見親生女，葉翠翠七月下嫁世紀賤男」，矛頭直指葉翠翠未婚夫周曉東（ Raymond），為二人的婚禮贈興。為了護夫，葉翠翠即時挺身而出，反指 Raymond前妻立心不良，呃雙倍生活費。

事實上，葉翠翠與 Raymond拍拖不久，已經完全掌握對方所有財政狀況，明知對方手上只有一個屯門細價樓揸手，並非富豪金龜，加上 Raymond○九年離婚後，每月要支付近兩萬元生活費給前妻 Grace和十一歲女兒，早前更因為前妻失業， Raymond將生活費加多一倍，負擔絕對不輕。

一向只會揀有錢佬交往的葉翠翠，最終揀了一位身家比她少的 Raymond結婚，終於洗脫拜金形象。

離開的時候，葉翠翠做司機送雙方家長回家，而因為座位有限，未婚夫沒有上車，獨自搵車離開。

當晚還有雙方家長都有一齊食飯，相信是傾婚禮事宜。

去年因為被本刊踢爆二人拍拖， Raymond的前妻因此要求增加生活費。

收到 Raymond所送三卡戒指，葉翠翠馬上在微博上晒幸福。

贊助婚禮

葉翠翠的老公掛名是建築公司董事，但沒有任何股權，是打工仔一名，新娘唔想失禮，於是四圍𢱑sponsor，甚至以零禮金出嫁。除了酒席和婚戒由男方找數，其餘全部有贊助，包括珠寶首飾，但同台慶一樣，當晚戴完即還。

傾心事收風

由於 Raymond不時製造機會，讓女兒和準繼母相處，向來識氹人的葉翠翠，火速與對方混熟傾到心事，細路女不虞有詐，葉翠翠因而從繼女口中得知男友前妻原來早於去年十二月已經搵到份新工作，甚至另結新歡，拍拖一段時間。

為了男友荷包着想，葉翠翠立即要 Raymond將前妻和女兒的生活費調回原有金額，前妻 Grace拒絕，覺得前夫有錢追港姐，卻剝削親生女兒生活費，最後更搞到上法庭。

威脅爭撫養權

「 Grace知道成件事都係葉翠翠從中作梗，利用小朋友對佢嘅信任，所以由四月開始唔再俾個女見嗰個女人（葉翠翠）同前夫，個細路女都因為呢件事好唔開心，之後連電話都冇打過俾佢哋，覺得俾人出賣咗！但葉翠翠就同記者講，話 Grace唔俾個女見佢同個老豆，仲沒收埋佢個電話，搞到聯絡唔到；其實個女如果真係要搵佢哋，喺學校問同學借電話打都得啦，要打俾你點會搵唔到吖！」 Grace身邊人說。

發生爆料信事件後，雙方關係更加惡劣，葉翠翠公開表示唔介意做繼母，更鼓勵準老公爭番個女的撫養權，藉此恫嚇前妻，快啲收聲。