2015年7月23日 星期四

大肚汪圓圓 連環犯禁 [壹週刊 - 1324] 圓圓,汪圓圓,高圓圓,M1,



佗住 B,汪圓圓同囡囡出街,有四個人貼身照顧,包括圓圓媽(左二)。

同你吟一吟

大肚汪圓圓 連環犯禁

當日下嫁玩具大王蔡志明個仔蔡加讚,已經開定期票,生夠四個先收工嘅汪圓圓,舊年 9月囡囡 Celine出世,一年都未夠,傳佢又有喜,果然講口齒。

早排《壹》仔响尖沙咀圓方,見到汪圓圓帶住囡囡出街,著鬆身運動衫襯平底鞋,同佢平日高踭鞋少婦 look好唔同,真係隔住張相都聞到陣孕味。

當日有外傭加保鏢同行,之後圓圓媽帶多個朋友陪大肚婆行街,其實汪圓圓可以繑埋雙手,吩咐身邊人照顧 Celine,但佢就百無禁忌,明明小朋友冇扭抱,汪圓圓卻一次又一次抱住囡囡四圍行,甚至𠌥低身幫 Celine整毛毯,最離譜係臨走時,攞住支珍寶珠响度食。

十個大肚婆,就有一個有機會患上妊娠糖尿,所以飲食要格外留神,話晒未夠三個月,汪圓圓都係小心啲好。

排隊等位食晏,汪圓圓抱起 Celine期間,囡囡腳仔踢到媽咪肚肚。

去到時裝店,汪圓圓堅持抱住囡囡,好在外傭醒目,隔咗陣接力抱番。

抱小朋友上 BB車,汪圓圓彎低身,係都要幫手。

孕婦飲食要相當小心,但汪圓圓話之你,走去食珍寶珠。

鍾意就快D Share啦!