Marianne同黎姿爭生意 [壹週刊 - 1324] Marianne,黎姿,王敏慧,M1,

新鋪開業， Marianne碌人情咭，邀請老友周慧敏、關心妍到場剪綵，但唔見行家兼老友黎姿。

同你吟一吟

Marianne同黎姿爭生意

曾經做過梅艷芳經理人嘅 Marianne王敏慧，早年幫關淑怡鋪路復出，可惜兩個最終不歡而散，最近關淑怡仲响社交網站話要退出娛樂圈。

雖然 Marianne手上仲有個合作愉快嘅周麗淇，但原來佢最近同朋友夾份，開咗間醫學美容院，幫自己搵多條財路。

上個禮拜五（七月十七日）《壹》仔見到 Marianne返到銅鑼灣嘅鋪頭執貨，為開張做好準備，放工之後， Marianne仲要孖住同事，行時代廣場嘅護膚品部「收料」。《壹》仔埋去問 Marianne係咪做老闆，佢有啲尷尬：「係呀！同朋友夾份，哎呀！我冇化妝。」

佢好姊妹黎姿，因為細佬關係，接手做醫學美容生意，家陣 Marianne又話開一間，唔通真係咁好賺？

為開鋪做好準備， Marianne跟同事，留响鋪頭裡面執貨。

收工之後， Marianne去行護膚品部，了解市場有咩護膚新科技，同事更即場試機。

鍾意就快D Share啦！

下一篇 》