藍白波點裙，襯藍白波點袋，徐子珊對超市 look，都有要求。
同你吟一吟
徐子珊怕得罪方丈
大台小生花旦逐個走，之前有鄧萃雯陳法拉謝天華，今年就有胡杏兒，聽講連徐子珊都有份。
拍完《以和為貴》之後，徐子珊一部劇都未接過，雖然佢死撐話同公司仲有好耐約，但《壹》仔已經一次又一次見佢好得閒，成日自己一個去行街。
今次徐子珊嘅目的地係數碼港，到超市買日用品。當日《壹》仔見佢無厘精神，以為佢唔舒服，徐子珊馬上解釋：「噚晚睇書睇到好夜，（睇咩書？）珠寶設計，（你做老闆？）唔係，都係幫朋友。」
唔係咪劇本咪通宵，反而研究珠實設計，《壹》仔單刀直入，問徐子珊係咪覺得大台唔穩陣，幫自己搵定後路，徐子珊即刻好大反應：「唔係，唔係，唔係，冇啲咁嘅事！」
又係嘅！留唔留低都好，方丈份人係點，大家心照！
|
鍾意就快D Share啦！
|
|
|
