「做人別太羅鈞滿」嘅羅鈞滿，喺大台發展一直麻麻哋，為人所知嘅係，佢有一個索主播高級記者女友張文采，二人拍拖4年幾愛得高調，亦唔介意畀人知道佢哋嘅戀情，不過，近日佢哋似乎分咗手!
張文采今早喺個人facebook留言：「從來都唔會為自己做過嘅野(嘢)後悔，但今次我實在太蠢，白白浪費左(咗)4年。依家我重生喇!一身鬆晒!」更喺facebook顯示心情欄揀選「覺得幸福」，4年!咁橋佢同羅鈞滿拍拖又係4年幾，明顯係講分手一事，令張文采覺得好輕鬆，有朋友於facebook問張文采係唔係工作上有問題，但係張文采答：「唔關工作事。」
之前已盛傳張文采同羅鈞滿分咗手，不過，佢哋亦冇喺社交網回應，張文采現時講明係「一身鬆晒」明係斬纜，睇嚟佢哋嘅感情都冇彎轉，未知羅鈞滿係唔係飽受情傷，忽然少咗更新微博!
另外，本報今日打畀羅鈞滿，佢稱：「唔方便回答。」更立刻cut線!
|
鍾意就快D Share啦！
|
|
|
