黃翠如最近孖張繼聰接棒，演出新一輯處境劇《愛。回家》，不過黃翠如男友蕭正楠（Edwin）就要返內地拍劇集《公公出宮》，兩個被逼分隔兩地。要為《愛。回家》長期開工嘅翠如BB，亦無暇抽空探望男友。
近日，翠如BB就半夜post咗張男友腳趾相，並留言:「Happy toes with suprise is back！」意思喺男友Edwin為冧翠如BB，已經從內地神秘返港，俾個驚喜女友，而掂到Edwin腳仔嘅手指，就明顯係屬於翠如BB。講真句，Edwin腳趾麻麻好睇，翠如連男友腳趾都可以形容得咁Sweet，仲被網友寸佢鍾意「玩腳趾」都唔介意，佢愛Edwin，真係由頭愛到腳。
