探熱針
玩到嘔 莊思敏趙勁皓 擒完再 fing
莊思敏（ Jacquelin）拍住大胸模特兒趙勁皓（ King）為代言的避孕套拍廣告，唧出超長深坑的她，又擒又摸；玩完老樹盤根，阿 King再攬起 Jacquelin不斷 fing，愈玩愈激！結果，兩個玩到又屙又嘔。
32C大戰岩石胸
拍避孕套廣告，唔少得親熱鏡頭，莊思敏以 32C大戰趙勁皓的岩石胸，波餅密密送。
現場所見， Jacquelin一上床，就跳到 King背上再用雙腿緊夾對方， King亦好有默契地用手托住她。
「個 shot要我跳上阿 King個身上，但佢企側咗，我跳上去佢想即刻𢭃住我但唔成功，差啲成個跌落地下。」莊思敏說。
最後終於成功「結合」，兩人均表現投入，又擒又 fing，但拍完之後，竟然一個暈一個屙。
「可能係朝早我哋叫外賣，我食咗個發到脹晒嘅公仔麵，之後轉景 Jacquelin又暈車浪，我就肚屙，搞到大家輪流去廁所。」趙勁皓說。
大隻 King因為太過大隻，拍廣告前要先減磅。
「本身諗住參加比賽，所以上緊磅，後來因為隻腳受傷唔可以去比賽，但個 size已經谷大咗好多，試鏡時見到 Jacquelin，佢都話我大隻咗好多，試嘅衫窄晒，嗰陣離埋位仲有兩星期，好急咁減咗五磅囉！」
為了令阿 King起雞皮，工作人員先後對他用了幾種酷刑，雖然成功令他起了雞皮，可惜鏡頭捕捉唔到，要重新再試過，最後還是失敗收場。
小 King完全冇反應
拍避孕套廣告，但 King說有拍喜劇感覺，事緣大家為了令他有「起雞皮」效果，爭相出招。
「啲工作人員係咁舔我耳仔、吹耳仔，又拎冰敷胸同用紙巾撩耳，真係好搞笑！終於搞到手臂起咗雞皮，不過鏡頭跟唔切，要再做多次，但整極都起唔到！」
被火辣辣的 Jacquelin不停姣撩，但小 King定力十足，毫無反應。
「嗰日咁啱股市大跌，等埋位時個個都拎住部手機睇住個市，現場愁雲慘霧，可能諗咗去股票度，所以我同阿 King都冇反應。」莊思敏說。
最緊要出位
男星可以拍衞生巾廣告，女星 sell「袋」一樣 work！三十五歲莊思敏天不怕地不怕，絕對係適合人選。
|
鍾意就快D Share啦！
|
|
|
