2015年8月15日星期六

42歲篠原涼子剝上癮新片加露股戲谷票房

【美魔女晒料】42歲篠原涼子剝上癮新片加露股戲谷票房

2015-08-14 18:34:00

日本女星篠原涼子扮乜似乜，佢其中一套代表作《夠薑師姐》先於2006年以日劇播出，之後拍成兩部單元劇同埋兩部電影都大受歡迎，而第三部結局篇電影《夠薑師姐 The End》安排下月上映，電視台仲炮製埋全新單元劇定9月15日首播，今次會加入北乃綺嘅新角色同篠原涼子鬥戲。

篠原涼子喺呢套影視系列中扮演女警雪平，由於角色係個生活相當隨便，又愛裸睡嘅角色，所以佢曾喺劇中有幾場大膽鏡頭，包括全裸睇報紙及裸背場面，但就有指最經典嘅背部全裸一幕其實係由替身演出。

今期雜誌《週刊實話》爆料指，篠原涼子於新片《夠薑師姐 The End》中會有更激嘅露股出浴戲，肯定會係全片嘅焦點。其實42歲嘅篠原涼子出名保養得宜，佢近年代言嘅胸圍廣告就盡展驕人身材，今次新片當然都要乘機晒料。