發哥，發哥，講真呀!香港地有邊個唔認得發哥周潤發，被網民選為「民間特首」，不時被市民「野生捕獲」，要求同佢玩Selfie，勝在發哥來者不拒，夠晒親民。近日有網民喺西貢蠔涌成豐片場「捕獲」發哥，留言：「超開心，終於和劉德華合影喇!仲可以帶仔女一齊返工。」高登瓊姐亦有轉貼。真係唔認得？冇理由嘛……
事件到晚上，又有峰迴路轉嘅發展。影相嘅網民——個女向高登瓊姐報料，話件事唔係咁，而係一場誤會，事緣佢媽媽(即係影相那位)係發哥請佢去片場嘅士多部幫手，所以一定係認得發哥。「至於劉德華，其實佢媽媽的確有同佢影到相，但華仔表示唔想放上網，所以佢媽媽個caption係會亂咗少少，但絕對唔係撈亂華仔同發哥。」瓊姐如是說。原來係咁。
不過呢單華仔同發哥分不清的誤會，令網民又諗起「喺球場見到杜德偉先生，不過條友好寸，叫佢杜生都唔啋人。」呢單嘢(新聞連結：http://bit.ly/1Nomtg0)，其實早前盧巧音都被誤做「何韻詩」(新聞連結：http://bit.ly/1DruWiF)，何韻詩今日發現有人認錯發哥做「華仔」，何韻詩都認唔住喺facebook留言：「I am not alone.」咁，又成功抽水喇。
| 呢位網民(心心眼)：「終於和劉德華合影！」發哥都唔認得？唔會(網上圖片) |  徒弟刀仔似賭神師傅！？ |  有冇咁似呀！ |
 乜華仔都鍾意Selfie㗎咩! |  你哋覺得呢! |  仲記得…許志安似杜德偉! |
 盧巧音似何韻詩!(好似係…) |  愛國藍絲認錯盧巧音係何韻詩! |
|
鍾意就快D Share啦！
|
|
|
