【短片】【五十路女神有結果】周慧敏高票當選 關詠荷 魯芬BB分列亞季
2015-08-14 23:07:00
由高登巴打「五十路愛人」搞嘅「五十路女神選舉」，即係搵一班45-59嘅女藝人出嚟，選出邊個係「五十路女神」，而到咗今日，呢個選舉就有結果喇。
今次嘅賽制就每個巴絲可以投出首選、次選同三選，而唔同嘅排名就有唔同嘅分數，首選就係五分、次選係三分、三選就係一分。
一班高登巴絲就喺眾多「準五十路女神」當中，搵出邊個係真嘅「五十路女神」，第一位嘅就係周慧敏，以61分得到「五十路女神」嘅頭銜。
而第二位就係人妻關詠荷，得分係46，第三位就係魯芬BB，得分36，第四位就係溫碧霞，而第五位就有同分嘅情況出現，竟然係唐安麒同羅霖以21獲得。
而喺選舉初段係大熱嘅周海媚，就以一分之差輸畀唐安麒同羅霖，成為第六位；而第七位就係大美人李嘉欣，第八位就係梁琤，第九位就係萬綺雯，第十位就係康華。
周慧敏得分61。(資料圖片)
人妻關詠荷得分46。(資料圖片)
魯芬BB得分36。(資料圖片)
溫碧霞得分32。(資料圖片)
羅霖以21分獲得第五位。(資料圖片)
周海媚排第六。(微博圖片)
第七位就係李嘉欣。(資料圖片)
第八位就係梁琤。(資料圖片)
第九位就係萬綺雯。(資料圖片)
|
鍾意就快D Share啦！
|
|
|
