2015年8月15日 星期六

曾江願伸出友誼「揸手」 四哥依然勞氣:鬼睬佢呀﹗ 四哥,曾江,謝賢,



【我係硬骨頭】曾江願伸出友誼「揸手」 四哥依然勞氣:鬼睬佢呀﹗

2015-08-14 20:34:00



前日先至講完手嘅四哥同曾江,分別喺今天同噚日出動見人,表現得好輕鬆。

今日謝賢去咗下山,又獲行山人士支持,《蘋果》記者今日再打畀四哥,佢接電話時氣喘喘,佢自爆行山之後,笑言要再爆料,佢話拍攝《4個小生》外景有驚險嘢,四哥承認出發一周,真係做完通波仔手術,佢話:「我同醫生(香港)講,佢都話好危險,唔好啩,我咪話最多咪死,結果喺當地臨玩要驗心臟檢查,報告係very good,現場玩有醫生睇住。」其實當日本報都收到料問佢,但四哥當時死口唔認。

呢幾日大台係咁出宣傳片,當中有啲活動對老人家嚟講,都存在危險性,點解啲小生唔怕骨頭脆,四哥笑騎騎話:「我係硬骨頭。」有指四哥下周一請該節目台前幕後食飯睇直播,曾江都預咗冇份,四哥就話:「取消咗,幕後話剪唔切片,0依家剪得兩集,遲啲先食。」

曾江外景時聲稱腳痛要坐輪椅,但佢同老婆焦姣約朋友嘆pizza,曾江出街時又行動自如,四哥聽完好不屑:「佢喺度扮嘢,佢要特別嘛。」曾江表示撞到四哥時,大家「揸手」就算,四哥聽完仍然好勞氣:「鬼睬佢,呢啲咁嘅人唔使理佢,實在太乞人憎。」

四哥同曾江嘅恩怨情仇,估計有機會扯高節目收視,若然收視理想,fit爆四哥會唔會着泳褲晒身材?佢豪氣說:「點解着泳褲,除晒啦,傻嘅。」事後四哥又反口,佢話自己又唔係無綫合約藝人,懶理佢啲收視啦。



四哥今朝行山(攝影:徐錦池)



落車嗰陣勁好心情



健步如飛



仲叫番記者小心啲



曾江噚日就同老婆焦姣出街(資料圖片)



四哥前日喺記招郁手打曾江,胡楓夾喺中間遭殃。(資料圖片)

鍾意就快D Share啦!
Related Posts Plugin for WordPress, Blogger...