舊年十月同陳國坤拉埋天窗嘅黃伊汶，曾經講過會生夠三個，仲要趁住呢個暑假就努力造人。
呢排有唔少人話黃伊汶肚凸凸，孕味濃，一講就中?係真唔係呀? 上個月廿五日，黃伊汶同一班朋友去中環行街，當時黃伊汶不時要人扶實，望下佢個肚又真係好似微隆喎! 再到今個月七號，黃伊汶同老公 sweet爆行又一城。向來係纖瘦嘅佢，呢日著鬆身衫、平底鞋，種種跡象顯示黃伊汶真係有咗喎!
黃伊汶就話有咗一定同大家講。唔係話未夠三個月，怕BB小氣唔敢認。而係自己真係未有餡喎!信唔信好? 月頭，黃伊汶同一班老友飛去蘇梅島賀老公40歲生日，當時黃伊汶影咗唔少激索三點式泳照，有個小小肚腩仔咁啦!咁就話大肚，咁我咪有六個月身孕啦!
