黃伊汶身邊兩位好姊妹，應采兒同鄭希怡都先後做咗人媽咪。有B萬事足，睇下YUMIKO不時擺「梁浸浸」嘅相同大家HAPPY share，就知做人阿媽幾咁開心啦!
大家諗下，如果換轉你係黃伊汶，同YUMIKO、應采兒一齊食飯，話題肯定至少有九成係講湊仔經，自己未有小朋友，真係想一齊分享都幾難!黃伊汶同陳國坤兩個都講過好鐘意小朋友，見到人哋啲小朋友咁得意，兩公婆都流晒口水咁濟!
據黃伊汶身邊啲好友講，黃伊汶都好想生番個猴b，因為自己本身屬猴，如果下年唔生，就要等十二年，先可以有一個同自己同一個生肖嘅小朋友，計一計，嗰時黃伊汶都成46歲，變高齡產婦啦! 你估個個都李嘉欣林青霞咩?
