楊鎧凝快樂天使開學添正能量
開學在即，「美心妹妹」楊鎧凝（Celine）將升讀小學二年級，而Celine與楊母日前接受本刊獨家訪問，楊母對於早前發生的寫真風波未有逃避，積極同社工輪流向Celine心理輔導，對未來她未有嚴苛的期望，只希望Celine繼續做開心果，成為向大家散發「正能量」的小天使！楊母更自爆因屬高齡產婦，懷孕期間曾有小產迹象，需要臥床三個月養胎，遇過的辛酸事不少，但楊母自言沒有甚麼難關是克服不來！
9月1日開學在即，7歲的「美心妹妹」楊鎧凝（Celine）亦將升讀小學二年班，日前Celine與楊母接受本刊獨家訪問，兩母女盡顯情深一面，表情多多的Celine更即場獻吻給媽咪！而為了迎接Celine的開學，楊母透露早在暑假期間，已準備了所需的開學日用品：「暑假期間帶咗佢去補習，包括英文同數學，同埋買新書包、新鞋同新襪！」又指亦有安排不同課外活動，讓Celine可以在學習中得以增廣見聞：「佢最鍾意學游水同魔術，佢玩得好開心，學完游水之後仲不停繼續喺個泳池度玩！」
而對於Celine已是一名小二學生，楊母未有嚴苛的期望，只希望Celine可以繼續做一個開心果：「我哋兩公婆只係希望佢可以再乖啲，同埋成績可以再好啲，之後想畀佢嘗試參加朗誦比賽，一年班時佢做過班長，老師話佢好識照顧同學仔，又聽得明老師講咩，會主動幫手，不過都好難講嘅！Celine真係好有禮貌同聽話，好多人都係咁樣評價佢，其實已經好開心！」
臥床三月險小產
雖然Celine比同年小朋友出眾，但楊母從未因此而感到驕傲，只希望可以教育愛女成為一個懂得分享「正能量」的快樂小天使：「佢成日帶歡樂同正能量畀大家，係我哋嘅開心果。就好似幼稚園同小學時有同學仔情緒有問題，佢會帶佢哋去見老師同一齊玩，令到佢哋開心番！一直有不少學生透過社交網站留言話考試好辛苦，想Celine為她們打氣，亦有家長希望Celine寫信為佢哋患病嘅小孩打氣。」
楊母又指自Celine出世後，兩公婆希望愛女可在幸福快樂環境下成長，生活上亦起了很大變化。她更自爆當年懷孕期間，因為屬高齡產婦關係，曾有過小產的迹象，更需要臥床三個月養胎：「要飲一啲好難飲嘅中藥，當時真係好驚會冇咗個BB，後來順利生Celine出來，自己都好感恩，老人家話係飲得中藥太多，所以引致Celine啲膚色偏黑，細個Celine喺幼稚園嘅花名係『黑妹』！」
愛參與課外活動
雖然在Celine成長過程中，難免會遇到不少辛酸事，但只要回想生產後看到Celine的第一眼後，楊母自言沒有甚麼難關是克服不來的：「因為我係以自然分娩形式生產，過程都好辛苦，但見到Celine出世嗰刻真係咩痛都唔記得晒，仲有佢第一次叫媽咪時真係心都溶埋，想佢叫多幾次，因為佢係叫爸爸先嘅！」
而自上月寫真集風波後再度上學，楊母亦有擔心過流言蜚語，會影響到Celine的心情：「學校一直對Celine好好，當然今次事件後可能會有好多人會注意Celine，社工會喺學校留意佢嘅情緒，Celine的性格一直都好開朗，我哋只係擔心有啲事情發生咗，佢會放喺心裏面，日後同學校溝通好重要。」但Celine在訪問過程中，不時表示非常期待開學，亦在社交網站分享上課外活動的相片，而在魔術班更取得證書，相信早已把不快事拋諸腦後！
文：名人組
攝：黎志輝
場地：Harlan's
|
鍾意就快D Share啦！
|
|
|