一講到「恐怖蠟像館」大家一定會記得強國嘅「恐怖蠟像館」，如果唔記得的話，可以去呢度睇番 (恐怖蠟像館1新聞連結：http://goo.gl/wYrYyd ) (恐怖蠟像館2新聞連結：http://goo.gl/xKqD3m )但係一山還有一山高，最近「恐怖蠟像館」已經去到第三集喇。
最近喺四川華鎣山，有一座號稱中國第三大蠟像館嘅「華鎣山中外名人蠟像館」，而呢一個就係「恐怖蠟像館3」嘅事發地點喇。入到去，你會見到好多「蠟像」，雖然有網民話似紙紮公仔，甚至話仲差過紙紮公仔，但佢哋的確係蠟像。
呢啲蠟像嘅樣，你望實會有一種不寒而憟嘅感覺，因為你會覺得呢個蠟像好似一個人，但又睇極都睇唔出係咩人，再望個名牌，你又會問一句：「點解會係佢。」係唔係好恐怖呢？
而呢啲睇落好似、諗落唔似、開咗估都認唔到嘅蠟像包括有：鞏俐、章子怡、周星馳、成龍、李連杰、周杰倫、張曼玉、張藝謀、劉德華等等，冇錯，講咗出嚟你都估唔到。
但呢間「恐怖蠟像館」嘅名氣實在太大，所以引嚟好多藝人包括章子怡、周杰倫、黃曉明等等都表示冇授權畀呢間「恐怖蠟像館」，而其中章子怡嘅經理人仲好嬲咁話：「我前幾天看到了，太過分了，我們找時間讓律師發函把子怡的蠟像拿下來。」鞏俐嘅經理人睇咗鞏俐嘅蠟像相之後都話：「完全恐怖，沒有授權。」
由此可見呢間「恐怖蠟像館」嘅恐怖程度，已經可以去到「嚇親本尊」嘅威力，有網民笑言：「如果佢係喺十月萬聖節開的話，相信會成為強國最恐怖嘅鬼屋，保證打直入去，打橫出番嚟！」因為唔嚇死都笑死。你…夠唔夠膽半夜睇住啲相…而唔笑呢？
其實仲有一樣好恐怖嘅事，就係個「恐怖蠟像館」整咗咁多巨星嘅蠟像，但偏偏就見唔到喺內地紅到不得了，又就嚟上太空嘅宇宙巨G.E.M.呢？原因可能有幾個，第一：館長好鍾意宇宙巨G.E.M.，所以唔忍心整到佢蠟像唔似蠟像、紙紮唔似紙紮咁。第二：就係館長係唔識宇宙娛樂圈嘅嘢，只係留意地球。第三：可能館長準備開一個杜（麗）莎夫人恐怖蠟像館，到時入面剩係放宇宙巨G.E.M.嘅「蠟像」。
| 點解會冇宇宙巨G.E.M.0架.... |  呢個係李連杰啊，講咗都唔講。(微博圖片) |  好恐怖啊....(微博圖片) |
 (微博圖片) |  點會知呢個係劉華先得。(微博圖片) |  (微博圖片) |
 試下望住一分鐘.....唔得，真係好恐怖。(微博圖片) |  (微博圖片) |  想像半夜企喺中間...媽！好恐怖啊！(微博圖片) |
 (微博圖片) |
|
鍾意就快D Share啦！
|
|
|