40歲嘅台灣靚媽徐若瑄（Vivian），上個月13日剖腹產下囝囝Dalton（小V寶），不經不覺囝囝已經滿月，而Vivian繼續喺facebook分享媽媽經，今日凌晨佢又出動喇，喺fb上載抱住小V寶嘅母子合照，Vivian表示生完BB後，睡眠時間大幅縮減，瞓覺時間幾乎只有2小時，令佢大呼吃不消。
徐若瑄表示，0依家小V寶幾乎每3小時就飲一次奶，今凌晨1點多，佢就醒來哺乳，無論係揼奶或親餵，前後準備時間將近1小時，而且一天之中仲要花時間與老公、繼女培養感情聊天，剩下可以瞓覺嘅時間，最長只有約2小時，佢忍唔住咁講：「做完這些就算我練會立刻昏睡法，也根本沒剩甚麼時間睡覺，我想我已經進入休想睡飽的日子了」。
雖然徐若瑄看起來相當疲憊，但就掛住已為人母幸福笑容，佢話：「媽咪們妳們太強了！敬女人…兒子，只要你健康就好，我拚了」！
| 徐若瑄表示現時每天只睡到兩小時。（徐若瑄fb圖片） |  靚B﹗（徐若瑄fb圖片） |  徐若瑄又喺fb吐心聲呀﹗（徐若瑄fb圖片） |
|
鍾意就快D Share啦！
|
|
|