今晚黃曉明娶Angelababy嘅盛大婚禮，8點左右終於喺上海正式行禮，會場充滿童話feel，現場66圍宴客已坐無虛席，今晚Baby呢套婚紗係由Dior訂製工坊同巴黎刺繡工坊共同完成，儀式開始前，台上先有一班dancer跳舞，然後播出童話版結婚進行曲，司儀何炅同謝娜就介紹合唱團出嚟唱歌，伴郎伴娘就走到台兩旁。
此時黃曉明走到台中間，Baby由爸爸拖住出場交俾曉明，兩人甜笑對望非常之sweet，喺台中央揭起頭紗，主婚人吳宇森，證婚人王中軍就台上致詞講感受，之後一對新人交換戒指情深一吻，錫完之後，Baby仲露出羞澀表情。
台上曉明再講勁肉麻嘅愛的宣言:「你是我的baby，我從來沒有對一個女人這麼好，除了媽媽，我將全世界最好的東西都給你，你喜歡等於我喜歎，你的願望等於我的願望，直到你7、80歲走不動，我依然這麼愛你，將你當成小公主。」Baby聽完就眼泛淚光，喊住咁講愛的宣言:「不管我有多累，遇到什麼事，我都會在你身邊陪著你。」儀式完後，一對新人喊住咁擁抱。
|
鍾意就快D Share啦！
|
|
|