「籃球之神」米高佐敦殺到香港喇！你真係冇睇錯，米高佐敦今日凌晨喺中環雲咸街現身，擔任一個私人雪茄派對嘉賓。
現場有多名保安及PR護航，並有唔少記者守候，氣氛甚為緊張，而專門保護外國巨星嘅保鑣阿頭都喺現場，並與保安交談。
米高佐敦同隨行人員，分別乘坐兩部七人車，於凌晨12點50分左右，到咗中環雲咸街，咁啱會所外有道路維修，所以要行一段路，落車時有約六﹑七位隨行人員，而在場中外保安都有六﹑七名，米高甫落車時，附近飲嘢外籍人士都尖叫嗌佢，佐敦表現親民，並報以微笑，記者叫佢時，佢都有望鏡頭，最後由後門直接上咗去。
據聞佐敦喺昨晚10點幾抵港，另有指米高佐敦身為NBA球隊夏洛特黃蜂班主，而咁啱黃蜂禮拜日會喺深圳，與洛杉磯快艇進行表演賽，佐敦都會出席呀﹗
| (攝影:梁繼光，徐錦池，朱志聰) |  |  米高佐敦嚟咗香港!!!!! |
 |  |  上樓出席雪茄派對 |
 好多球迷聞風而至 |
|
鍾意就快D Share啦！
|
|
|