陳國邦今早於網上向無綫發了一封公開信，內容不贅。
無綫回應如何？樂易玲可以代表官方說法。
今晚樂易玲到富豪機場酒店出席一個慈善晚宴，回應是，無綫一直好重視陳國邦，安排其擔任之角色，亦一向吃重。現在陳國邦不在港，等其兩星期後返港再細談。樂易玲並表示，無綫會盡力挽留。
樂易玲受訪時表示，出席晚宴途中，已細閱了此信。樂易玲解釋其實今早已有同事俾咗一部份佢睇，但未細看足本版。讀後感，樂易玲表示:「封信都寫得好清楚，我哋傾好晒合約，條款佢係滿意，應承十月底返來簽，佢依家喺加國演出(編按:今晚陳國邦先在台灣演出)。大家睇到信，嘗試聯絡佢，或者等佢返港再傾。」
樂易玲表示，傾約嗰陣，已經傾好晒條件，而且陳國邦亦同意，說好了返港續約，「未知係咪佢放假時思前想後，希望係佢諗多咗，因為佢好多劇，角色好吃重，好多戲份。」
無綫戲劇總監曾勵珍亦有同樂易玲了解此事，樂易玲被傳媒問及是否盡力挽留？佢話:「當然，合約都傾好晒。」但問及陳國邦於信中指有感於所有人向前，但就覺得自己好似走錯方向，似乎不是加人工與否的問題，而是工作機會。
對此，樂易玲就話:「所以要睇佢諗咩，係咪有啲嘢想做，但未做？」記者即謂:「主角囉。」樂易玲聞言即說:「所以要等佢返嚟，同佢傾。」
會否答應開劇予陳國邦？「其實佢角色一路都吃重，是否主角，就要同製作部商量，唔係一個人話事，亦都要角色啱佢。」至於會否給對方一個承諾？樂易玲都係呢句:「要等佢返嚟。」又表示對於陳國邦突然發公開信感愕然:「當然，傾好晒約。我知佢多話劇做，所以我哋嘅合作形式都係俾佢做想做嘅話劇，就佢時間，等佢有時間再安排角色佢做，而且角色都討好，就好似未出街嗰部《公公出宮》，影月曆佢都有影到。」
最後再問樂易玲，無綫是否好重視陳國邦？樂易玲即說:「不嬲都係，佢係一個好戲之人。」
|
鍾意就快D Share啦！
|
|
|