2015年10月14日星期三

孖老公倪震行山凍齡女神周慧敏恨捕獲發哥發哥,女神,倪震,周慧敏,周潤發,

【短片】【明年入行30年】孖老公倪震行山凍齡女神周慧敏恨捕獲發哥

2015-10-14 02:16:00

其他影片：>>

【明年入行30年】孖老公倪震行山凍齡女神周慧敏恨捕獲發哥

周慧敏（Vivian）今日喺上環出席Suisse Programme活動，明年就係Vivian入行30周年嘅大日子，問到會唔會搞演唱會？Vivian就話自己仍心大心細，搞會開心，又怕唔搞粉絲會失望，所以都仲考慮中，佢話：「我想冬眠吓先，本來想12月先答，但Lorraine（古巨基太太）每日都追問我，連佢嘅大日子都安排咗嘢畀我做，佢有冇諗過我好想出席？佢工作行先，自己嘅嘢放喺第二位，連禮服都未搵。對我嚟講佢嘅大日子好重要，我想同先生一齊睇佢着婚紗，係開心日子。上次喺外國我出席唔到，今次又出席唔到，睇吓佢點補償畀我。」

問佢會唔會考慮推job？Vivian就話都有諗過，但都會尊重佢。問到會送咩禮物？佢話：「諗緊，送禮物畀佢哋係頭痛嘅事，本來我隻碟嘅福音歌《伯拉河》係送畀佢哋，但係基仔已經做咗首歌，所以我收返埋。」

今日見Vivian面色蒼白，原來佢因為轉天氣冷親，今日仲見暈，問到係咪平時小運動？Vivian話：「唔係呀，我一星期都有3次用跑步機快行，仲會同先生行山。」

Vivian話香港好多路段都想挑戰，咁想唔想捕獲發哥？佢話：「等我查探吓佢行邊度。」當Vivian知道發哥鍾意selfie，佢就話咩都會配合，仲話自己自90年代後都冇見過發哥，所以都希望見吓面。

（攝影：陳志嵐）