| G.E.M.話如果能夠令甄妮姐姐（左）覺得釋懷，佢願意講對唔住。 | next 1/1 pre |
「宇宙天后」鄧紫棋（G.E.M.）早前接受電台訪問，向來是非多多的她，對於提到曾被前輩甄妮寸爆冇禮貌，G.E.M.坦言當初看到報道時相當愕然，並憶述「兩代巨肺」碰面的情境：「我印象好深刻見到甄妮姐姐嗰一日，當時係一個奧運主題嘅大匯演，我哋每個藝人都喺休息室，我同同事講『甄妮姐姐呀，真嗰個巨肺喺度呀！』。」
嫲嫲愛聽甄妮
她透露當時同事曾問G.E.M.會否找甄妮集郵，但由於太多人在排隊，最終打消了合照念頭：「所以我冇行埋去打招呼，加上我覺得甄妮姐姐完全唔識我，其實佢喺我心目中係神級，因為我嫲嫲有好多甄妮姐姐嘅錄音帶，我小學時，嫲嫲已經成日播甄妮姐姐嘅歌，例如《奮鬥》。」
嘗試聯絡甄妮解釋
G.E.M.坦言當時曾有嘗試作出補救：「我即刻打畀我同事，問佢哋有冇甄妮姐姐嘅聯絡方法，我亦喺微博上面發咗一個post，因為我覺得呢個係誤會，其實我冇不敬嘅心，有次喺港台頒獎禮見到甄妮姐姐，我事前已經諗應該點樣打招呼，向佢解釋番，但係喺後台根本見唔到佢，後來我上咗台，落台嘅時候，就到甄妮姐姐上台，跟住我就去咗做訪問，完全冇遇到。」
向甄妮致歉
主持人問到G.E.M.可會向甄妮致歉？G.E.M.表示：「我覺得可以令甄妮姐姐覺得釋懷，呢個對唔住，我係願意講，因為我學到另一樣，好多時唔係你自己覺得自己啱定錯，反而係如果人哋get到嘅嘢，唔係自己想表達嘅嘢，即係你表達能力有問題，所以可以講呢句對唔住，呢句對唔住唔需要吝嗇。」她又坦言如果有機會與甄妮見面，希望可以當面一五一十解釋清楚。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|