| 方力申同鄧麗欣以情侶檔身份接拍葉念琛新電影。 | next 1/1 pre |
 | |
| 方力申同鄧麗欣喺新戲一嚟就已經鬧交話要「離婚」。 | next 1/1 pre |
 | |
| 方力申同鄧麗欣拍咗10年拖。 | next 1/1 pre |
 | |
| 鄧麗欣真係入晒戲架，好似鬧到都唔知係現實定係拍緊戲咁喇！ | next 1/1 pre |
 | |
| 方力申話嗰句：「你估你真係咁易頂？」係佢自己要求加上。 | next 1/1 pre |
歌手方力申（小方）同鄧麗欣（Stephy）當年被唱片公司打造成為螢幕情侶，除咗唱咗唔少合唱歌之外，其實導演葉念琛喺2004年開始就開拍咗「愛情三部曲」，分別就係電影《獨家試愛》、《十分愛》同《我的最愛》，雖然呢三個故事就無乜連貫性，但主角都仍然用番小方同Stephy，題材都離唔開講愛情、講男女之間背叛去搵「小三」，當時唔少人睇到都好有共鳴，仲話葉念琛拍得好到肉，令大家睇到愛情嘅另一邊添！
之前透露拍咗10年拖嘅小方同Stephy，其實數數手指，當年拍電影嗰陣就已經一齊咗，不過當時就未有公開戀情，事隔7年兩個人終於都明正言順以「情侶檔」身份接拍葉念琛新電影《紀念日》，近日電影公司就喺網上公布咗預告片，片中見到兩個人一嚟就已經鬧交話要「離婚」，小方仲勁嬲同Stephy講：「你估你真係咁易頂？」令唔少粉絲都讚兩個人演技比之前進步，仲討論緊小方究竟係咪講緊自己心聲添！其實之前小方接受訪問時話十年前由唔係情侶扮情侶，到依家真係變成情侶，佢仲話嗰句：「你估你真係咁易頂？」係佢自己要求加上，仲希望將平時相處對話化成對白，但就無承認Stephy係咪真係咁難頂！
雖然兩個人拍咗拖已經就成10年咁多，近年都成日傳出佢哋已經秘密結婚，不過二人就已經一一否認，仲話唔想結得咁求求其其，小方仲講到明要有「衝動」先會即興結婚，有唔少網友都大叫好心急，希望到佢哋下次拍電影，兩位就「升呢」做方生方太！
網友有話兒：
alXXX lXXng：期待
SXX Ching：一齊到10年，真係唔簡單
小XX：快啲結婚喇！
Man XXX：方力申爆心聲？
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。
http://www.facebook.com/onccstars
|
鍾意就快D Share啦！
|
|
|