| 唐詩詠第三度成「姦」角，究竟呢3套劇有咩共通點？ | next 1/1 pre |
 | |
| 就係都係民初劇喇！ | next 1/1 pre |
 | |
| 今次詩詠嘅對手係好戲之人湯鎮業！ | next 1/1 pre |
 | |
| 做妹仔嘅佢… | next 1/1 pre |
 | |
| 慘被老爺強姦… | next 1/1 pre |
 | |
| 佢個楚楚可憐樣唔係人人都演到㗎！ | next 1/1 pre |
 | |
| 就算演到…網民Like唔Like都好難講，而詩詠就個個都Like！ | next 1/1 pre |
 | |
| 唔通詩詠真係逃唔過民初咒？ | next 1/1 pre |
 | |
| 喺《鐵馬尋橋》中被李天翔強姦… | next 1/1 pre |
 | |
| 去到《神探高倫布》就被敖嘉年… | next 1/1 pre |
 | |
| 今次就到湯鎮業！ | next 1/1 pre |
 | |
| 難怪網民都話，可能監製睇過詩詠之前嘅被姦戲份，所以搵番詩詠演！ | next 1/1 pre |
 | |
| 詩詠咁好戲，應該做咩角色都正囉！ | next 1/1 pre |
 | |
| 演律師嘅詩詠…都好正…（心心眼） | next 1/1 pre |
最近熱播嘅台慶劇《梟雄》備受觀眾追捧，皆因劇中有影帝黃秋生、視帝黎耀祥同好戲之人湯鎮業大鬥戲法，加上劇情開始進入高潮，愈嚟愈緊湊，真係睇少陣都唔得！而上周六播出嘅一集更引起網友熱議，劇中飾演陳煒貼身丫鬟嘅唐詩詠慘遭湯鎮業強姦，唔少網友發現唐詩詠喺多套劇集都扮演過被強姦嘅角色，仲話佢個樣夠晒楚楚可憐，所以演出時特別有說服力！
被姦必着民初服
《梟》日前播出咗詩詠照顧飲醉酒嘅湯鎮業時，慘被強姦嘅震撼一幕，之後陳煒發現佢被強姦，詩詠就好激動咁衝出房，拎刀自殺不成。唔少網友大讚唐詩詠演得好好，搞到佢哋明知係做戲，都睇到好心痛！同時，亦發現詩詠好似同「被強姦」掛勾咁！好似2010年嘅《鐵馬尋橋》，詩詠喺劇中被李天翔強姦，而2年前播出嘅《神探高倫布》，輪到敖嘉年強姦詩詠。有眼利嘅網友仲發現咗三套劇嘅共通點，就係詩詠着親民初戲服就要畀人強姦，有冇咁啱呀？
雖然詩詠不時飾演被姦嘅角色，但令佢獲得唔少好評！網友都覺得佢個樣我見猶憐，所以做呢類角色特別有Power，特別慘情，加上佢肯放低包袱同形象去演，咁專業自然獲得觀眾賞識，話唔定都係咁劇集嘅監製又一次搵佢扮演呢類角色咋！不過，都有粉絲為詩詠平反，話佢都演過唔少角色，例如律師及地產經紀，大家只係集中咗幾個角色上，先認為佢成日做「姦」角！無論如何，大家都係好肯定佢嘅演技，唔知唐詩詠可唔可以食住個勢勇奪「最佳女配角」呢？
網民有話兒：
張心XXX：場強姦戲演得太逼真，真係睇到我心都痛埋。
SLeXXX：又係着民初戲服就被人強姦咁慘……
CixxxxxTG：唐詩詠做咗石天欣後人喎，莫非真係姦開有條路？
PaXX：其實唐詩詠都有做其他類型角色，都唔係成日演被強姦既（嘅）角色。
XX介：證明佢好戲先有唔同監制（製）搵佢做同類角色姐（啫），同埋佢敢放低形象演，夠晒敬業囉！
|
鍾意就快D Share啦！
|
|
|