熱爆娛樂: 請錯人　免姊妹胡定欣尷尬　胡杏兒唔畀老公請莊思敏飲 [FACE

2015年11月18日星期三

請錯人　免姊妹胡定欣尷尬　胡杏兒唔畀老公請莊思敏飲 [FACE - 443] :),杏兒,胡定欣,定欣,莊思敏,胡杏兒,MF,

杏兒本月 6日喺生日會上公布下月 28日和 Philip結婚，當晚杏兒開心到唔知喊咗幾多次！　網上圖片

真面目

請錯人　免姊妹胡定欣尷尬　胡杏兒唔畀老公請莊思敏飲

結婚咁大件事，梗要請晒親朋戚友嚟飲高興吓！將於下月結婚的胡杏兒亦會在尖沙咀 Ritz Carlton豪擺 50圍宴客，可惜老公李乘德（ Philip）蒲腳莊思敏卻不在賓客名單喎！

胡杏兒和胡定欣 friend過打 band係人都知，而莊思敏當年因與吳浩康拍拖被胡定欣寸爆「着佢舊鞋」亦通晒天，胡定欣一直嬲豬莊思敏當年搶走吳浩康，老死胡杏兒當然知姊妹心意，下令未來老公 Philip唔准請莊思敏。週一（ 16日）莊思敏大方回應：「我會體諒同理解。」

拍拖一年，胡杏兒於本月 6日生日會上公布將與李乘德（ Philip），下月 28日在尖沙咀 Ritz Carlton豪擺 50圍宴客，圈外圈內友人都表示興奮。

週一（ 16日）莊思敏表示未收到帖，「到時會唔會被邀請，現時都言之尚早。」

'06-'07

胡定欣和吳浩康拍拖一年多即告分手。《蘋果日報》圖片

'08-'13

與胡定欣分手不久，吳浩康即搭上莊思敏，有傳其後莊思敏不時收到恐嚇訊息，兼在電梯內被胡定欣鬧「八婆」。

係準老公蒲腳

據知賓客名單已初步落實，杏兒姊妹團唔使估，一定有「胡說八道會」成員的胡定欣、胡蓓蔚、黃智雯和姚子羚，而 Philip的蒲腳亦在名單之內，唯獨莊思敏不被邀請。

胡定欣與吳浩康 06年開始拍拖，年多後分手收場，吳浩康便極速轉投莊思敏懷抱，有人即指莊思敏搶人男友，兩女更在大台電梯內鬧過交，有傳胡定欣曾鬧爆莊思敏「你都係着我舊鞋咋，八婆！」，事後兩女除在台慶或節目巡禮上「焗住」碰面外，其他地方有你無我。

身為杏兒好友的胡定欣，點會唔知老死心意，在設定賓客名單時，已向 Philip講明，可以請莊思明，但唔可以請莊思敏，雖然莊思敏和 Philip份屬好友兼蒲腳關係，不過睇在未來老婆份上， Philip無奈應承。

Philip與莊思敏（左）、莊思明（右）經常孖實夜蒲，咁 friend冇理由結婚唔請埋㗎！網上圖片

胡說八道一條心

胡杏兒與胡定欣份屬好姊妹，既然姊妹唔鍾意，杏兒即要求 Philip改賓客名單。《蘋果日報》圖片

月前胡杏兒婚紗店開張，「胡說八道會」總動員出席撐場。《蘋果日報》圖片

「佢哋想避免尷尬！」

週一（ 16日）莊思敏承認確實未收到請帖，「我知道佢哋個日子，但係距離仲有一段日子，所以未收到請帖。到時會唔會被邀請或者出席，現時都係言之尚早。我覺得每個人都有自己嘅選擇，如果佢哋想避免尷尬，或者擔心有任何事情發生，咁我都會體諒同理解。」

其實胡定欣和吳浩康分手後都已經和馬國明和廣告界才俊沈柏淳（ Patt）拍過拖，現在又有音樂人陳明道（ Terry）愛錫，何必為咗 8年前嘅往事嬲豬到𠵱家呢？