城規會今年初公佈九龍塘分區計劃大綱，其中九龍塘會及窩打老道軍營等，逾11公頃土地劃為「指定用途」。地產界解讀為九龍塘這個曾經盛極一時的偷情勝地會逐步發展，終究逃不過時代巨輪，變天日子不遠。
記者：金敏琍 攝影：麥超億 周子惇 張鼎和
70年代起，九龍塘形象亦正亦邪，既是豪宅地「住喺九龍塘」是身份象徵，晚上則予人「偷情、開房」的負面形象。熟知夜場文化的作家沈西城指，當年本港經濟起飛，日式夜總會大富豪、中國城，雲集尖東，生意人在夜總會找舞小姐陪坐傾生意，遇上小姐合眼緣，再找地方短聚，即去九龍塘時鐘酒店，「佢哋叫飲糖水。」
九龍塘第一間時鐘酒店，竟與已故武打巨星李小龍有關。「以前佢(指李小龍)住嘅地方叫棲鶴小築，小龍哥過身後，商人余彭年買下改為酒店，叫做羅曼小築(酒店)。」
那年代，社會普遍性觀念保守，九龍塘低密度豪宅夠隱蔽，車位又足。由尖東駕車去，經公主道直踩窩打老道，車程不足10分鐘。羅曼酒店開張後，晚晚客滿，其他時鐘酒店紛紛加入，高峰期超過30間。
「的士司機每晚十一、二點，就係夜總會門口等」時鐘酒店給的士司機派貼士，司機收取時鐘酒店及客人兩份貼士，酒店又抽佣給他，結果肥了一批的士司機。
人人以為時鐘酒店只在深夜至凌晨有生意，沈西城指這的確是黃金檔，但實則廿四小時營業各時段都有捧場客。「有打工仔食晏時間嚟玩，有商家佬五、六點約女仔嚟，之後八、九點番屋企交人。」全盛時期，時鐘酒店全日fully booked(客滿)。」
不過，時鐘酒店一般收費由3小時起跳，最低消費2百多元，沈西城指是「揾笨」，因為「短聚又點需三小時？可能一個鐘頭就走得。」
九龍塘時鐘酒店數目，現時滑落至餘下11間，究其「死因」是顧客不再來。
性治療師程翠雲指，九龍塘時鐘酒店形象老氣，學生哥沒錢開房，有收入的亦寧願光顧鬧市時鐘酒店，貪其「總有一間喺左近」。「九龍塘嘅酒店，似粵語長片感覺，冇百佳、維多利亞咁方便。」而且年輕人性觀念開放，不像昔日般要隱蔽進行，而且選擇亦多，大學又有宿舍，不需專登去九龍塘。
【冷知識】
今年是已故武打巨星李小龍的75歲冥壽，1973年李小龍去世，其故居棲鶴小築由商人余彭年購入，改為時鐘酒店「羅曼酒店」。這幢樓高兩層，位於金巴倫道41號的別墅，多年來一直有影迷去憑弔。2008年四川汶川大地震後，余捐出李小龍故居在內五幅地皮賑災，但被李小龍迷反對，最後余擱置計劃及願意捐出故居興建李小龍紀念館。
可是好事多磨，余及港府多次商討，但未能就復修達成共識，2011年計劃告吹。事隔42年，現時羅曼酒店已結業，重門深鎖，只餘殘舊招牌見證歷史。
想睇最新消息？ 即時follow【現場－蘋果突發】fb！http://fb.com/applecitycrime
|
鍾意就快D Share啦！
|
|
|
