澳門猛人周焯華（洗米華）除咗周旋喺正印洗米嫂陳慧玲（Heidi）同女友Mandy Lieu之間，日前又被爆喺出發韓國首爾巡視賭場業務嘅時候，同貌似謝安琪(Kay)嘅0靚模新女Meko Chiu同行，佢仲喺喺社交網貼咗同洗米華同坐私人飛機嘅相，令秘密關係曝光，雖然Meko立即刪相同將多個社交網站賬戶刪走，但洗米華傳出有新女埋身，當然就激嬲自恃得寵嘅Mandy，據知洗米華已經急急腳由首爾飛去英國探Mandy母女。
讀者陳小姐今日透過本報「爆相爆片」，影到洗米華噚晚英國時間9點幾，即香港時間今朝凌晨4點，一臉殘爆嘅洗米華同疑似Mandy喺倫敦一間韓國餐廳食嘢，相片中嘅女子背住鏡頭，同時被另一食客擋着，但面向鏡頭嘅洗米華就一臉殘爆。
洗米華噚日出發飛英國冧Mandy，洗米嫂當晚則在北京出席善晚宴，夫妻各有各忙。有指洗米華原訂今晚返港出席一間夜場開幕，但Meko搞出呢鑊鑊咁大，佢行程被迫臨時變陣，洗米華決定先飛英國向Mandy解畫，平息女友怒火，日內再返澳門同正印洗米嫂報到，洗米華輪流箍煲，頻撲到爆。
Meko等則隨大隊今日下午5時多抵港，《蘋果》今日搵過Meko，問佢可知洗米華到英國0氹Mandy，Meko透過WhatsApp回覆：「Sorry，唔會再回應任何嘢，謝謝！」
| 洗米華一臉殘爆。 |  一臉殘爆嘅洗米華同疑似Mandy喺倫敦一間韓國餐廳食嘢。(讀者陳小姐提供) |  據知洗米華已經急急腳由首爾飛去英國探Mandy母女。(讀者陳小姐提供) |
 |  Meko喺喺社交網貼咗同洗米華同坐私人飛機嘅相。 |  洗米嫂當晚則在北京出席善晚宴。 |
|
鍾意就快D Share啦！
|
|
|
