咪以為啲網上留言係打手，採訪當日 Central Corner即席喺港大學生會門口表演，吸引唔少學生現場圍觀兼拍片，絕對係真粉絲！
U Spy
DSE過 100分 港大醫科 Band唱到中環
上週六（ 7日） Spy咁啱喺中環食完飯，途經服務品牌 GAP門口聽到有隊 4人 band唱周杰倫嘅〈不能說的秘密〉。一 search佢哋 ig「 The Central Corner」，見到 4個有 3個都係港大醫科生，另一位就係理大護理學士， Spy當然唔會放過大好機會，趁休息約佢哋做訪問！
幾位成員 DSE加埋過百分，科科 5*走唔甩，見佢哋咁好成績，原來佢哋喺中環「擺檔」已經有 1年多，初初因為聖誕冇嘢做所以揀咗人流多又近港大嘅中環 busking，加上佢哋專唱一啲港人熟悉嘅流行情歌，所以好快已經儲落一大班 fans逢星期六出現聽佢哋 jam歌。
讀醫嘅學生一向俾人感覺官仔骨骨，要全天候咪書型，好難兼顧其他興趣， keyboard手 Thomas即刻反駁：「醫科生絕對唔係想像中咁忙，玩得一樣嘢，就預咗另一樣會有犧牲㗎最緊要識得分配時間。好似我哋住 hall咁，同 hallmates玩少啲，睇少場戲，唱少次 K，一至五都做好功課溫晒書，咪夜晚拎一、兩個鐘玩音樂，有幾難抽時間？事在人為啫！」有樣有才華兼讀港大神科嘅單身醫學士，會唔會飛來艷遇？「拍戲咩？艷遇！不過好多網上留言同 inbox話我哋唱得好好聽，又打氣叫繼續加油，而且有唔同嘅 busking隊伍會邀請我哋一齊玩，有人認同好開心！」
撰文： U Spy
攝影：林迅景
|
鍾意就快D Share啦！
|
|
|
