全城熱爆的娛樂八封新聞 & 時事趣聞 & 生活 + 趣聞
唔係講假㗎，日日開完廠接外景，返到屋企又湊仔，有時間就出騷，連啲魚尾紋都勁咗，陳豪唞吓
陳茵媺三年抱三，好多人講笑叫陳豪俾老婆唞下，查實陳豪都好辛苦㗎，除咗要為新劇《完美叛侶》開工，日日廠接外景，有空檔又要出嚟出騷揾奶粉錢。
上星期三（ 4日）陳豪一臉倦容出騷，無論做訪問、上台同老闆大合照，陳豪真係攰到連笑都冇力，勉勉強強先唧到少少笑容出嚟，你以為賣笑唔使用力呀？唔係㗎，屋企仔細老婆嫩，拍劇、出騷再搞埋自家咖啡，其實陳豪自己都應該唞吓
上台同一眾老闆合照，陳豪都做足喇，依晒棚牙出嚟，可惜真係攰囉！
早前本刊獨家拍到陳茵媺喺超市濕平，原來當時已經身懷第三胎，真係好生養喇！
陳豪現同邵美琪、黃智賢拍緊新劇《完美叛侶》，雖然文戲為主，但大台劇日日開足十幾粒鐘是常識。
