新女神 天使巨胸 ig爆紅 大馬純天然女神唔使執 [FACE - 442] 女神,MF,

明禎坦言因為病而開始運動，仲話做咗運動後，氣息同精神都變好，而腹肌仲係最大滿足感添！

真面目

新女神　天使巨胸 ig爆紅　大馬純天然女神唔使執

無論明星抑或素人，有樣有身材自然必殺，人人都可以變「女神」！好似擁有天使面孔魔鬼身材紅爆網絡的大馬妹林明禎，先被高登巴打封為「腹肌美女」，之後仲被台灣種子音樂羅致旗下，推出寫真集同唱片正式出道！

女神林明幀接受本刊訪問，自爆原來自小體弱易病，靠運動身體先變好， 6嚿腹肌仲係最大成就添！身材 fit到漏，五官亦標緻，明禎仲話接受過媒體驗臉，「已經證實 100% natural！」

每隔一排，網上都會爆出唔同種類嘅「女神」，賣樣賣身材賣歌藝包羅萬有，至於最新出爐就有來自馬來西亞的美女林明禎，甜到漏笑容加 fit爆身型宅男至 like，除咗被封「腹肌美女」同「最完美女人」美譽外，標緻面孔亦被證實絕對純天然冇加工，女神仲話堅拒整容，因為唔係 natural嘅嘢驚發炎喎！

盡顯前凸後翹靚爆身形嘅明禎，私底下好重視家庭，雖然𠵱家長留台灣發展，不過每晚都總會抽時間同屋企人視訊聯絡㗎！

正所謂勤有功，戲無益！自言係工作狂嘅明禎，就算工作幾忙，一星期都會保持 3日嘅運動量，每次做足 1個鐘，仲話女仔冇咁易變大隻㗎！

訓練 2個月出道

25歲馬來西亞美女林明禎，擁有天使面孔兼 32E魔鬼身材，未爆紅前，仍在經營自家美容院的明禎，透露當初身體出現毛病先開始運動，「從小到大身體比較虛弱，一直想增磅，覺得女生太瘦不好看，加上又是工作狂，去年開始一直生病，每天都忙沒有時間做運動，所以跟自己說一定要去做運動！剛開始一星期 3天，每天至少 1個小時，之後發現整個人不一樣，氣息很好有精神，不容易累，還隱約感受到腹肌，很滿足，很想分享給大家！」

之後林明禎的 ig同 facebook相片開始被網民瘋傳，隨即成為網絡紅人，仲被台灣種子音樂簽為歌手，「當時馬來西亞歌手宇珩邀請我和媽媽到台灣試音，跟他們聊完一拍即合，今年 3月搬去台灣， 5月開始學跳舞，因為我是舞蹈白痴，老師說要從走路學起，每天穿着高跟鞋拿着重啞鈴抬腿繞着課室走，可能人家兩個小時就可以，我就要 5個小時到 6個小時，所以那時候還蠻挫折，但想看看可以完成多少樣事情！」

明禎鍾情做運動，閒時仲會喺 ig同網民開心「些牙」靚相，大騷「腹肌」係指定動作添！網上圖片

明禎首張 EP+寫真在 9月發行，坦言寫真風格唔會過份性感，仲話只想將自己健康、陽光同活潑一面呈現比大家，其實齋睇呢啲靚相都已經夠晒。網上圖片

怕做高齡產婦

正式出道做歌手，明禎推出首張唱片加寫真集，先被台灣網民封為「最完美女人」，之後高登巴打仲封為「腹肌美女」，周身刀但對男友原來要求並唔高，「上一段感情因為工作太忙，星期一到星期天都在工作，完全忽略了男友，沒有時間去談戀愛！至於另一半一定要跟我一樣愛吃，有共同話題，喜歡做運動，最重要是很注重家庭！」

明禎最後仲自爆已被媒體驗過面，好自信咁話：「有媒體幫我驗臉（唔學 Baby搵醫生驗喎！），已經證實 100% natural！（接受整容？）我不敢耶！因為不是 natural的東西放裡面怕會發炎！」女神話暫時未有結婚打算，「只要不要做高齡產婦就可以」

咪睇明禎身形瘦削，其實私底下係一名「吃貨」，仲要食極唔肥，真係恨死一班港女！網上圖片

明禎樣靚身材正，但原來對另一半要求反而唔高，身形樣貌冇限制，最緊要都係啱嘴形同要重家庭喎！宅男們，機會嚟

採訪、撰文：張志威

攝影：鄭明川

化妝： Jenny Tziong@MOD Makeup Academy

髮型： Jacky Leung@ILCOLPO

服裝： adidias、 AMEMPAPA

場地： FFG武術健身中心

鍾意就快D Share啦！

下一篇 》