全城熱爆的娛樂八封新聞 & 時事趣聞 & 生活 + 趣聞
新貨放正喺門口，一入去王梓軒已經睇中。
王梓軒不經不覺出道咗 6年，雖然無乜大作品，不過身為香港藝術發展局主席王英偉之子，屋企有家底，自然在娛樂圈生存冇難度。
上週三（ 3日）王梓軒同男友人喺中環睇衫 shopping，以為男人買衫應該好爽快，無咩好睇，點知王梓軒絕對係相反。其實一入門口佢已經睇中件紅色冷衫，之後問店員一大堆問題，再入試身室着埋上身，仲要喺鏡前左照右照都仲未玩完，結果有冇買呢？已經唔係重點，幾百蚊件冷衫，真係唔好搞咁耐囉唔該！
問意見問吓店員呢樣嗰樣，幸好店員都好耐心回答。
試上身換埋上身都未夠，仲要同其他衫拼吓襯吓，唔係奄尖，想盡善盡美啫！
