婚前專訪讚老公Sweet 王菀之愛Eric So巧手雕玫瑰傳情
王菀之（Ivana）與蘇卓航（Eric So）今日結婚，Ivana本月11日在社交平台上宣佈婚訊時，寫着「遇上你 太感恩 不遲亦不早」。她與好友張敬軒日前接受訪問，Ivana細說與Eric相交的經過，家中還放有一張紀念定情的傘畫。Eric試過憑着一雙巧手，用士多啤梨雕成玫瑰花，冧得Ivana非常開心。不過最令Ivana動容的是對方包容自己：「可以令你做最真實嘅自己，就係愛會有嗰種幸福。」
撰文：王連連
王菀之（Ivana）今日嫁給拍拖兩年的「Figure王」蘇卓航（Eric So），二人只會進行簽紙儀式，為遷就老公的低調個性，一對新人不擺酒不影婚照，只與雙方親戚食飯分享喜悅。榮升蘇太前，Ivana為有份配音的電影《小王子》宣傳接受訪問，訪問中她一臉幸福，講起兩人的交往經過及冧事，Ivana都開心微笑，發自內心的甜蜜，多次露出幸福的腰果眼。
■現年36歲的王菀之今日出嫁，日前接受訪問時已經幸福滿瀉。攝影：林德雄
■王菀之大讚老公最有魅力的時候，就是專注工作的時候。微博圖片
■上月22日王菀之與Eric在港入紙申請排期結婚。資料圖片
■一提到老公Eric，王菀之即露出甜笑。DV圖片
一把雨傘撮合二人
Ivana談到與Eric是在日本定情，一場無心的大雨充當紅娘，將他們拉在一起。當時二人共擔一把雨傘，雙手不經意蹺在一起，從此便執子之手，與子偕老。現在他們的家中有一幅畫，也畫上這把充滿紀念性的雨傘，從此風雨同路。問是修成正果愛情的魔力？Ivana說：「我冇咁樣分析，我覺得係好幸福嘅感覺就係幸福，唔會諗係咪花好多時間去雨過天晴、修成正果，係有幸福感覺，嘻嘻。」如果要數二人之間最甜蜜的事，Ivana形容有很多，她說：「情人節會諗點解冇表示嘅？雖然預咗係冇，我哋向來相處破傳統，唔會話一定要做啲乜嘢，但係女仔都會幻想有啲嘢。有次佢帶我入廚房，佢將一盤士多啤梨，每粒雕成玫瑰花，嘩！靚到呢，佢係雕刻家，佢慢慢整，一粒一粒花，食完啲玫瑰就覺得好sweet。」
Ivana續說：「其實生活上好簡單嘅事，都可以好幸福最sweet嘅，我喺屋企會煮飯，但唔會喺佢面前做，如果喺佢面前拎起把刀嘅話，佢就會叫『放低放低』，佢真係會好緊張，驚我會整親，我已經係開心。」而軒仔則覺得他們互相着緊對方的事業，互相支持，是種深層甜蜜。
在老公面前，Ivana能盡情地顯示自己的童真，究竟二人在一起會怎樣一起調皮地玩？她與身旁的張敬軒做示範，一手拍在他的大腿上，軒仔亦不客氣還手，她說：「平時係咁，但佢（Eric）唔會打番我，哈哈哈。」Ivana亦感激Eric的包容，她笑說：「愛對方係點樣都接受，我就係咁食飯就係咁蝦碌，乜嘢都試過就係呢個人可以令你做最真實嘅自己，先會有嗰種幸福。」
■可以在老公面前做回最真實的自己，最令王菀之感到幸福。資料圖片
■王菀之和Eric拍拖兩年，經常蹺住手行街。
資料圖片
欣賞Eric工作專注
原來一個專心工作的男人確是最有魅力，Ivana最欣賞老公對事情的專注，之前她接受電台訪問，自爆未拍拖前主動到老公的工作室，默默坐在對方面前看他工作，Ivana說：「佢吸引力在於對一個人、事或好小嘅事，處理問題嗰種專注、專心，佢會付諸實行，係好認真嘅人。」
場地︰莎瑪尖沙嘴
|
鍾意就快D Share啦！
|
|
|
