薛家燕今日去中環出席活動，同場有鄧英敏、呂珊、Joe Junior及譚炳文等，問起資深演員鄺佐輝癌病腹發並放棄化療，薛家燕說很久沒見輝哥，知道他消息很難過，家燕姐心情沉重表示:「佢唔再化療，都明白有時延續生命係受痛苦就更難過，每個人都唔想，好欣賞佢樂觀面對，佢好番時都積極參與應做嘅嘢，希望佢喺呢段時間唔好受太多苦，人生無常，每日都要珍惜享受人生，希望屋企人朋友多啲關心，我會為佢祈禱。」
鄧英敏亦證實此事，並回應:「早兩個禮拜去醫院探過佢，當日佢狀態好好，仲亨咗幾句歌，有兩個深圳夾開band嘅朋友一齊探佢，之前大家有一齊玩live band，我同輝哥耐不耐都有去深圳蒲玩live band，佢呢期身體狀況唔樂觀醫生同佢家人講話要有心理準備，都講咗2、3次，宜家佢飲嗎啡，飲完昏昏欲睡，藝進會嘅同學都話想探佢，同佢屋企人傾過，佢話個樣唔好睇唔想見人，以佢目前嘅狀態，我希望向天再借20年，要睇個天，我都有同佢屋企人講，生死交畀個天，照顧交畀你哋，去醫院探佢唔留得耐，5至10分鐘就走，我都好想再去關心佢，佢情況唔樂觀，都想鼓勵佢同佢屋企人，作最壞打算，作最好希望，醫生都束手無策，我日日都有聯絡問候佢，叫佢同家人打氣加油。」
鄧英敏又指，過往每次做公司以外的賺錢騷，每逢未能請假，也會叫輝哥幫其頂替，鄧英敏稱:「輝哥係首選，在公在私都希望佢身體健康。」
| （攝影：張俊銘） |  （攝影：張俊銘） |  |
 |  |
來源 source: http://hk.apple.nextmedia.com
|
鍾意就快D Share啦！
|
|
|