鄺佐輝「登六」開P遺願成空
早前癌病復發的資深藝人鄺佐輝前日病逝，終年59歲。他走過人生最後兩個月時曾有一個心願，希望由好友廖安麗協助舉行200人的預祝「登六」派對，豈料派對未開始便撒手人寰，未能完成遺願！另一最放不低的當然是與他一見鍾情的年輕愛妻冬子，兩人婚後只相處兩年便陰陽永隔，未亡人更是傷感。
資深藝人鄺佐輝（Tony）於去年6月因屙血並暈倒，急急入院接受檢查，確診患大腸癌第四期並擴散至肝臟，隨後在四個月內接受兩次手術，還接受八次化療。今年2月，Tony曾透露癌細胞指數有所下降，並稱康復進度理想，一度停止化療而改以中藥及氣功等來調理身體，怎料數月後癌病復發，癌細胞更迅速擴散至全身不同器官，體重急劇下降。最後的兩星期內，Tony放棄藥物治療及化療，只靠飲嗎啡水及打嗎啡針止痛，直至上周末病情急轉直下，延至前日傍晚病逝，終年59歲。
廖安麗幫辦後事
Tony生前好友廖安麗（Annie）昨日為藝進同學會綵排於明年初公演的舞台劇《才子亂點俏佳人》，受訪時表示想不到會突然傳來噩耗，又透露曾於兩個月前提議為明年7月生日的Tony舉行預祝60歲的「登六」派對，怎料因各有各忙而擱置了事，最後成為Tony的遺憾：「我同Tony由細玩到大，比較遺憾係諗住幫佢搞個預祝60歲大壽派對，講嗰陣係佢啱啱個病翻發，所以佢聽到都幾興奮，仲話要搞嘅話要請二、三百人嚟！」
Annie指與Tony既是好友又一齊做保險，如今好友病逝，她打算幫手辦身後事包括保險索償，殯儀方面則交由其女兒負責，由於其家人想低調進行，只知喪禮會以天主教形式舉行。Annie希望將Tony生前所拍的抗癌經歷及一班好友憶述與Tony軼事的片段等資料，安排於靈堂內播放。問到最後見Tony的情況如何？她說：「我最後係星期六見過佢，嗰陣佢已經係昏睡狀態，我喺佢耳邊同佢講嘢，讚佢當年唱歌好聽，後生又靚仔。（家人經濟成問題？）私人嘢我唔清楚，但喪禮費用當然不成問題！」
一度婉拒籌藥費
除了「登六」派對遺願未償，Tony最放不低的就是比他年輕十九載的太太冬子。婚後半年，Tony不幸患上重病，但太太仍衣不解帶的給予照顧及支持，未有離開半步，包括每早為他煮早餐，又陪他去公園晨運及出入醫院等全無怨言！他認為這是上天賜來的緣分，並曾揚言希望康復後能與太太到台灣或美加補度蜜月及補拍婚紗照。據知為應付龐大的醫療開支，Tony耗盡積蓄兼要變賣物業套現，但太太仍不離不棄。
藝進會會長與演藝人協會理事的麥長青曾於上周二探望Tony，問到其家人可有就經濟方面提出求助？他受訪時說：「佢囡囡話醫藥費同殮葬費用都應付得到，我同咗佢家人講咗，有需要出聲就得，我哋一定幫手！其實年幾、兩年前，藝進同學會都有籌錢幫補醫藥費，當時輝哥叫過大家唔使籌錢：『我夠用，我依家轉咗中醫治療都好平！』（探佢時有咩講？）佢曾經想擘開眼望我哋但擘唔到，見到佢咁都知道佢痛，但輝哥當時仲係清醒，都有微笑示意，仲豎起手指公畀我睇。」
文：影視組
|
鍾意就快D Share啦！
|
|
|