噚晚毛記勁曲金曲分獎禮舉行之時(應該係個騷開始冇耐)，就收到push notification話:「明報母公司 擬出售100毛持股」。報道指，昨午急升逾27%後停牌嘅萬華媒體（426）發公告，表示控股股東兼《明報》母公司世界華文媒體（685），可能出售萬華媒體股份。留意番，萬華媒體共持有由林日曦創辦嘅「黑紙有限公司」10%股權，而黑紙則持有《黑紙》《100毛》及毛記電視。公告並未披露潛在買家身份。(新聞連結: http://bit.ly/1SM0fdY )至2015年3月底止，《100毛》母公司一年生意2,119萬元，全面收益近800萬元。張秀賢見到擬賣消息，都表示擔心:「《100毛》模式同內容未必個個認同，但確實係為本土經濟嘅思考帶來突破，希望唔好一轉手明報母公司個10%股權就畀左馬雲。」林日曦同拍檔姚家豪（阿Bu）陸家俊（陳強）各持3股，對於有傳股東擬賣《100毛》，林日曦話：「我冇聽聞過，傳聞傳乜都得，同吳亮星嘅『老朋友』有乜分別先？」「我唔會賣，10%就算賣咗都絕對冇影響。如果有人賣，喂，我買番先喇唔該，我傾家盪產買番先。」有人擔心10%股份落入紅色資本之手，林日曦堅定地謂:「佢嗰10%就乜嘢都做唔到嘅，不過我個人有啲咩……即係要張枱好清潔嘅……我個人有啲整齊病（強迫症），10%都做唔到啲咩嘅。整齊病嚟講我會買番，傾家盪產買番，唔係受佢影響，我係唔想答呢啲問題，為咗以後唔想答，所以買番。」
|
鍾意就快D Share啦！
|
|
|